Vawleipi theirphang in a kan tuah dihtu coronavirus (COVID-19) nih Myanmar Chin state tiang in ngaihchiatnak a kan phuh chin lengmang ko. Vawlei mifimthiam pawl zawtnak kong ah it kholo in an buai lio ah Chin miphun hna kan caah cun zawtnak hrik kong le a damnak kong lawng silo in nitin eidin ding kong tiang in harnak kan tong i lungmit in kan um cang hna.

Tuchun 11 April 2020 tiang Myanmar ramchung COVID-19 he pehtlai in thil sining hna cu kan langhter bantuk hin a si. Myanmar ramchung ah zawtnak hrik a ngei cangmi minung 28 an tling cang. Cu chung ah minung pathum nih an thihpi cang i a dang minung pahnih hna cu an dam tthan cang e tiah theih a si. Ref: The Hakha Post

Chap: Kan miphun chung ah hi zawtnak in a zawmi le a thimi kan umlo nak hnga Pathian sin ah kan umnak hmun cio in thla cam cio ko hna u sih. Hi zawtnak chung in Pathian nih zei dah cawng hna seh ti a kan duhmi a hmu khotu le ai fiangmi kan si cio khawhnak hnga zong thlacam in bawmh hal kan herh ko.