Myanmar Ramchung Ah Coronavirus A Ngeimi An Karh Chin Lengmang Cang

Thawngpang

Myanmar ram ah chunceu zong ah mi a that cuahmahtu coronavirus zawtnak a ngeimi an karh chin lengmang cang. Myanmar Health and Sports Ministry nih an thanh ning in nizan Pathianni (Easter Sunday) tiang ah khan zawtnak a ngeimi minung 38 an phan cang ti a si. A sinain tuchun 13 April ah Worldmeters nih an thanh tthanning ah cun zawtnak a ngeimi minung 41 an tling cang ti a si.

Thailand logs 28 new coronavirus cases, 2 deaths Monday

Pathianni zingka ah khan minung pasarih zawtnak a ngeimi hmuh chuah thar an si tiah Health and Sprots Ministry lei nih an thanh. An chim chihmi cu hi zawtnak a ngei tiah hmuhchuah tharmi pawl hi Hlegu, Shwe Pyi Thar le Yangon Insein township hna in an si ti a si. Worldmeters pawl nih an thanhning in a tu tiang ah Myanmar ramchung in zawtnak a ngeimi hi minung 41 an tling cang. Minung pali nih an thihpi cang i minung pahnih cu an dam tthan cang tiah an chim.

Hi coronavirus a ngei tiah hmuhchuah tharmi pawl hi kan hnu ni 14 chung ah khan cun khual an tlawn kong theih a si loh. A sinain minung pali tu hi biaknak lei he pehtlai in ramdang pawl an i telnak hmun an an kal ti a si. (Chap: Myanmar a cozah nih coronavirus kong he pehtlai in thawng an thanhning ah a voi khatnak bik Myanmar ram chung ah coronavirus a ngei an timi kha Chin pa a si ti a si. A tu ah biaknak lei ah ai pummi tiin an langhter tthan. A si zong cu a si taktak ko lai nain ruah awk a um ngaimi pakhat a si ve tiah ka ruah). Ref: Mzz

Leave a Reply