Relchih: Laimi vialte hna, Corona nak in a biapi deuhmi le hngalh a herh deuh mi kan thanh hna lai. Na nu chu, na pa zang kan ti ahcun a ho hmanh nih kan duh lo. Thih kan ngamh. A tu lio vialte kha Arakan nih cun Laimi vialte hi “na nu chu, na pa zang” timi nak fak deuh in an kan ngair. Cu zong cu kan pale santlaihlo le ngor duum ummi an hmuh mi kha caan rem an lak caah a si.

Atu lio te hi Kawl Media tete, cu hlan vialte i AA a rak țanh tuk mi pawl nih Laimi an van kan țanh lio a si. Cu hlan zong ah Laimi van țanhnak tete hi an țial tawn ko nain, Laimi bawtawr pawl cu comment pek le lawmhnak langhter hmanh nan hngalh lo ruangah Media News ngan deuh nih Laimi kong țial an zuam lo nak a si. AA faknak tlawmte an țial ahcun Arakan pawl cu phikphahling bang comment ah an phol colh.

Curuangah Midea pawl zong nih an kong țial an huam tuk. Holhtheih lo kong hrawng i comment le Like a uar tuk mi pawl kha Hell ah va tla viar u law țha lai. Mifim a ho hmanh nih an buai ti lo mi a si. A tubantuk lio ah Kawl le Arakan nih keh he vorh he an kan thah le nawn hi nan hmu lo ma? Nan nu chu he. Kan mah pumpak nih hriamnam he kan doh lo hna hmanh ah Bia-kaa doh a biapit tuk hi. Bia-kaa tei hi Teipi pakhat a si ve nan hngal lo ma? Arakan le Laimi kong Kawl Midea News ngan mi nih an țialmi paoh ah Arakan pawl khi țhua colh ve hna u hen. Kei le bang chunni ka tlak lengmang hi.

AA ral bawi pipi hmanh VOA,BBC,RFA,Irrawaddy, Mitzima news pawl comment pei an rel zungzal ko cu. Mah hi news pawl hi rel pah ngat u law Arakan pawl hi cawn piak hna uh. Paletwa kong ah siseh, Laimi cung i an i cerhro ter mi ah siseh, comment in phomh hna uh. Arakan hi miralchia tak pei an si ve ko cu. A cu si lo, Holhtheih lo kong hei ti bantuk ahcun khua zei Theologian thiam bik bik bang heh tiah nan va buai ve.

Paul hmanh nih a tu le a tu pei Santlai lomi kong ah bia i al hlah u a ti kha. A mah zong santlailomi theology kong ah bia-al ka zuam lo a ti kha. Vegetable le Non-Vegetable kong hmanh ah i al len a herh lo dai uh a ti hna kha. Zei dah a herh mi tu ah i al loin a herh lomi ah nan i al ko. A cung i Kawl Media nganmi pipi khi Follow ve hna u law Chin kong a tial bak ahcin Like rel cawk loin pe ve u law, Chin kong țial an huam tuk lai. Comment zong va pe u law Arakan kong an țial zong ah va phomh hna u law, minung thongkhat hmanh nih phomh hna u law a za tuk khi a si. AK 47 nak in a pin deuh. Za rih seh. Credit: Siang Bawi

Myanmar raalkaap pawl meithal in Rakhine mipi minung panga bak an nunnak a liam i a dang minung pasarih nih hliam an tuar tiah Myanmar raalkaap pawl cu an mawhchiat ngaingai hna. Rakhine State Kyauktaw Township ah kan hnu cacawn nithumni ah khan Myanmar raalkaap nih tukkahnak an chuahpi.

Hi tukkahnak ah hin Rakhine mipi nih thihnak le harnak phunphun an tuar hi a si. Minung panga bak an thi colh i a dang minung pasarih hna nih hliam an tuar. Hliam a tuarmi hi minung tampi an si rih tiah an chim zong ka theih. Kyauktaw ah hin inn pathum cu an dihlak in laakawl umlo in an i rawk dih tiah Kyauktaw Township Lower House lawmanker U Oo Tun Win nih The Irrawaddy sin ah a chim.

Hi tukkahnak hi a linsa hringhren ko. Kan inn a tanglei ah kan i thup i thilcangmi zoh cu tuksapur taktak a si ko.Meithal puah thawng le kuanfang thawng cu a kenkip in kan theih ko tiah U Oo Tun Win nih a chim chih. A thimi hna hi kum 14 in kum 70 karlak minung an si hna. Kum 14 a simi Ethnic Daingnet Ma Moe Nwe cu faakngai in hliam a tuar i Sittwe Hospital ah kuat a si.

Ma Moe Moe Nwe hi a hngakchiat lio ah a nu le pa nih an thih taak cangmi a si i a pi sin ah a ummi a si. Tatmadaw raalkaap pawl hna cu Thayet Oak khuate in truck lian pipi in an rak ra i dongh hngallo in khua cu an kah colh ko. Bomb le meithal hmai in zaam caan le i thuh caan hrimhrim kan ngei manh lo. Ka tunu te zong a zaampah ah hliamh a si tiah Daw Ma Yay nih The Irrawaddy thawngzamh sin ah a chim.

Mit hmutu nih a chim rihmi cu, nufa athimi hna hi Kyauktaw khua I Kaladan tiva lei kap ah a ummi an si. Miakpi kuan hi Kaladan tiva leiin Kawl ralkap nih an rak kahmi a si tiah an ti. Kawl ralkap baichimtu Brigadier General Zaw Min Tun  nih a chim ve ning ah cun ralhran AA pawl he fak ngaiin Kyauktaw ah kan I kap hna tiah a chim ve.Ref: The Irrawaddy