Esther nih Idol a co lai maw? A hmel ngai hih. Nu nih tu tan Idol a co lai maw? A dawh ngai: Zei hmanh buai chung awk a um lo. A co paoh nih va co ko hna seh ti awk a tha lo. Hi bantuk thil hi cu a hlan kan in rak ruahdamh pah a tlak mi khi a si. Myanmar Idol hi voithum an tuah cang i a cotu winner hi pa lawng te an si rih. Pa hi an thiam deuh ruang ah an co zong a rak si pah ko lai. Pa hi kan men lo i mu. Nain reseacrh kan tuah tikah vote pe tu nu pawl ruangah pa deuh nih co a si timi kha a dik tak ko.

Myanmar Idol vote petu hi pa nak in nu hi a let in an tam deuh. Nu le nu kar ahcun suai aaa dat a um lo tikah pa cung ah khan an mit hei tla. Tikah Pa ahkhan an uar deuh mi cio kha an vote hna. Hi ti chim tikah hin kei cu ka si țung lo a timi nan um lai. Nu zong cu i dan cio a si. Mui he Aw he a zoh i, a duhmi pa kha a vote an um bang, pa a si phawt ahcun mui zoh loin a aw bak lawng a vote mi zong an um thiam. Nu nih nu vote zong cu an um țhiam. Nain a zei a si paoh ah Pa cung ah an vote rak tla deuh tuk ko tiah rak ti zungzal mi kha a hman tak ko e.

 

Nain tutan cu thlihran aa dang cang. Kawl nu a tam deuh cu an i ngeih chih cang. A mi pa paoh in kan vote hna ruangah nu kan limhang tla tiah a pommi an tampi cang. Cu zong cu an za tein an pom ka ti lo. Nain an tam ngai i, cucaah a thiam bak mi nu kha, a thiam huaha lomi pa nak cun kan vote cang lai an ti. Cucaah vote petu majority mitam deuh a simi nu nih a thiam bak mi nu pek a timmi an tam tikah Esther Sung Sung nih co dawh a si ko. A si lo zong ah nu ngak dang pakhat khat nih.

Mah peng nih mah peng vote kong ah kan rak buai ngai mi hna kha cu buai awk um lo khi a si tiah kawl doctor ka hawipa nih a ka ti. Kawl ram ahcun peng myo cu zathum zali pei um cu a ti. Nan mah “Laimi” cu chim hlah, Mandalay Zitidip peng in a aw “Laimi😂” te aa zuam ve i, dan judge pawl vel ah top ten a lut ve, mah pa te cu an peng pumpuluk bak in nu thlu lo, pa thlu lo in vote an pek ve ko a ti. Nain a tla hma sa bik a si. Cu pa te cu a va tlung i an peng pumpi nih an rak don ko a ti. A dang a tang mi peng myo vialte a za le za tu nih pei mah le uar tak mi cu mee pek phung a si ko cu a ti.

Hakha peng pawl hna nih maw Aye Myo Phyu bang hna vote an pek a ka ti i, aw ka ti cu, hahahaha, Laimi hi nan rak tuk hi, hlen nan nuam tuk lai nan lung put te cu a ka ti ko. Nain ziah nang vial na lungput hi cakei pei a lawh ko hi, hlen cu chim hlah a uk bak in na ka uk hi, Hakha dang teh an si ve lo maw a ka ti i, kei mah bantuk in Hakha ah Bawi Lungput a ngei mi thong khat um usih law AA le Kawl ralkap upat bikmi miphun kan si lai si ka ti ve. Mifim le Tlangcung ah zei dah cang ti a hngal ve mi a si tikah ka chim duh mi a pemh colh.

Mah peng le mah naih niam vote pek kha US hmanh ah an kalpimi a rak si ko e ti a si. Laimi fim kan rak i cuh a luan deuh caah a si e ti a si. Mah peng le mah naih niam vote awk a um lo cun mah state chung pa vote pek kha kalphung a si ko ti a si. A thong za, peng dang le state dang tu nih khan ho peng le state ti um lo in an vote lai i a si ko ti a si. By Siang Bawi