Myanmar Idol Page Ngeitu Pa Nih Mipi A Hlen Hna Ruangah Mipi An Thinhung A I An Chimmi Cu A Poi Kho Taktak
Myanmar G21 Anonymous Hacker Group Tuahtu Theih Si Cang, MMID Page Ngeitu A Rak Si: Myanmar Idol zuamnak result phuan lio ah a thiambik timi le mipi nih uar mi hna pathum tthutdenh (Bottom 3) cung tthutter ruang le Tan Kun Kyaw tlak ruangah mipi an lungtling loh i, mah ruangah vote um tu ning kimcang theih an duhnak cu an chim.
Cu le cang ka in Myanmar G21 Anonymous Hacker timi phu cu an rak chuak colh i, mipi sinah hnemnnak bia an chim colh. Myanmar Idol hi kan hrawh (Hack) lai’tiah an chim colh. Cu pinah Myanmar Idol hruaitu hna sinah mipi sinah vote an hmuh mi fiangfai tein langhter uh, mah ti nan tuah lo ahcun nan Website le nan official Page tiangin kan hrawh (Hack) dih lai tiin theihternak an tuah hna.
A cunglei kong he pehtlaiin nizan November 25/2019 ah khan Myanmar Idol official page i, CEO le ADMIN an theihnak kong cu an langhter colh. CEO le ADMIN cu U Moe Kaung tiin auh mi Mr Rolan asi. Cun, a dang zong kan hlathlai lai i, a rauh hlanah biadik thanhnak kan tuah colh lai, kan hngak deuh rih u,”tiah mipi sinah an chim.
Asinain nihin November 26/2019 tuzing mipi heh tiah a ral hlengtu cu an theih taktak cang, Amah lila nih a timi cu, “Nan tho ttha maw? mah nih tuah mi page hack timh tiangin mihrut cu ka si lo. Cun, Myanmar Idol official page i Admin cu keimah ka si i, G21 page i Admin zong keimah tthiamtthiam ka si.
Zeiruang ah hi bantuk thil ka tuahnak kong belte rak ka hal thlah u, G21 hacker page ka tuahnak a ruang cu Myanmar ramchung um, mi zeibantuk hmanh nih Myanmar Idol page hi buainak an pe kho lo timi langhternak asi. Nan theih duh si cun rak kan buai ulaw nan theih ko lai. #U Moe Kaung (or) Mr Rolan”tiah a tar.
Thil sining mipi nih an theih hnu ahcun an lungtling cio hna lo i, Myanmar Idol hi zohtlak zong si lo i, kan zoh ti lai lo,tiah a chim mi zong an um hna. Mipi nih theih dingmi cu, Hacker pawl nih Facebook page an tuah ballo i, an cawlcangh ding mi kong zong mipi sinah an chimchung bal lo. Cun, an tuahmi an hlawhtlin hnu lawngah midang kaltlang in an cawlcanghnak kong cu an phuan tawn. Ref: WMF