Myanmar Idol Nih A Kalpi Mi Le Phunglam: Myanmar Idol cu kum 2016 ah thok a rak si i, atu ahcun Eain Mat Sone Yar le Molody Wolrd zuamnak hmanh in a minthang i, a lar deuh cang. Myanmar Idol hi Shwe Thanlwin Company hmangin tuahmi a si i, Shwe Thanlwin Company ngeitu nu hi nutung ‘Nuthlawi’ Daw Nan Mawloh Sai asi. Kum 4 chung an tuah cang i, season 1-4 tiang tuah a si cang.

Season khat in pathum tiangah Winner simi hna cu, pakhatnak ah Saw Lah Htaw Wah si i, pahnihnak cu Thar Nge si i, pathumnak cu Phyo Myan Aung an si hna. Muanmar Idol hi business pakhat a si pinah kumli chungah a tthangcho taktak. Kawlram chung hlasakthiam kawlnak hmun zong a si pinah company dnagdang hna zong nih an rianttuannak hmun pakhat bantukin an ruah ve.

MPT, Telenor le Mytel company he an ttuan tti vote pakhat ah an hmuh mi miak cu an i tthen ve. Tukum 2019 i an Judges hna cu Tin Zar Maw, Aung Ko Latt le Phyu Phyu Kyaw Thein an si i, an hlawh hi ting 1000 in ting 3000 hrawng si. Nain an hlawh kongah biafiang taktak theihmi um lo.

A ruang cu US ah rianttuan in a um mi Tin Zar Maw zong a rianttuan mi dinhtak in Myanmar Idol zuamnak i Judges a ttuan tikah an hlawh hi a tlawmhrim lai lo. Myanmar Idol pakhatnak simi cu phaisa, tteihkhan pakhat le laksawng dangdang pek an si i, 2017 i pakhatnak hmutu Rakhine pa kha ting 300 le tteihkhan pakhat pek asi. Cun, 2018 pakhatnak hmutu kha ting 500 le tteihkhan pakhat pek asi.

Zuamnak phunglam: Top 11 finalist tiang hi Judges pawl kutchung ah an um i, anmah mark peng ning in an kai/ an tla kho. Top 11 finalist Winner tiang belte hi mipi vote ah aa hngatmi a si tikah kai le tlak kong cu mipi kutchung ah aa hngat cang. Myanmar Idol zuamnak chung a um mi hna caah zulh dingmi siikan- daan an ngei i, anmah nawl in zeihmanh an tuah khawh lo pinah an cawlcangh ning vialte zong CCTV in an zoh peng ve hna. Pa le nu zong a dangdang te ah chiah an si i, zulhphung a buarmi paoh cu banter an si colh.

Grand Final aa zuam dingmi hna cu zarhthum chung caan pek an si i, mah chungah Judges nih cun teinak hmu ding cu an theih cia cang nain business ai bantukin caansau an laknak zong asi. Cun, Grand Final an i zuam hlanah anmah le khua ah tlunter an si lai. Nihnih thumchung hi mipi sinah caan hman khawhnak nawl an pek hna lai i, mah chungah mipi thinlung la in mipi an hip kho hna maw? timi hi an zoh bikmi pakhat si.