Myanmar Idol Judges Pawl Nih Theih Hna Sehlaw A That Lai Ning Cu Tha Tein Ral Rel Hmanh!

Hmuhning

Myanmar Idol le Tlangcung Mi: Myanmar Idol Top 8 result show cu nan thin a tur cio lai tiah ka zumh. Zapi lungtling lo ngai in an lim ko khah! Nan mawh lo, kan mawh cio lo. Ka thinlung ah thil pakhat fiang ngai in a rak langmi cu Kawlram ah ‘Tlangcung Mi Kan Canvo” hi a si. Cun Kawlram politics leiah ‘Tlangcung Mi’ kan dirhmun tiang a ka ruahter.

Image result for myanmar idol season 4 judge"

Myanmar Idol Season 4 nan thok ka ah khan kan Laimi hitlukin an thiam lai hi nan rat ruat ballo maw? Kan Laimi hawihlei in an rak thiam tikah nan hnahchuah hna i thlak nan duh tuk hna ah an mualphoh nan rak timh hna khan a thei ti maw? Kawl hla na sak ah na awcawi a pei deuh nan rak ti hna kha mu. A ngai te ti ko lo ahcun ‘kan holh a si lomi nan Kawl hla hi tluk thiam le ttha tein an sakmi hi nan i lawmh dingtu a si lehlam. Nanmah Judeges a ttuammi nih khan Lai hla sa ve tuah hnik ulaw nan awcawi hi CACC hmanh nih a hmaan ning an ttial kho hnga maw? Cun Mirang holh in comment zong nan pek ngai hna. Nan Mirang holh kha teh Mirang awcawi bakin nan cawi ve maw? Rak i ruat ve uh!

Image result for myanmar idol season 4 conference"

Kawlram milurelnak ah tlangcung mi hi mi tlawmte kan si. Nain, tutan nan Myanmar Idol ah tlangcung mi kan dintuai lo. Nain, Top 8 result show ah bottom 3 ah nan tthuttermi hna kha cu ‘haaaa’a ti hlei cun chim ding dang a um lo nan thlam a lang hei ti ko usih. A miak hmu lo cun nan tuah lo, kan theih thiam. Voting result hi a dik ning tein screen shot ah khan van langhter ulaw kan lung a tling tiah kan kut kan thlir cio hnga. Nain, Top 8 result show cu a mak ko. Tlangcung mi pakhat thlak duh ah Vote tambikmi pahnih tiah zumhmi ( Esther le nanmah Kawl nu) kha bottom 3 ah nan tthutter ko hna.

Image result for myanmar idol season 4 conference"

Biadik si le si lo kan theihnak dingah kan naupa ‘Tan Khun Kyaw’ kong an chim pahmi kha van kan fianh te u. Biafiang nan thanh lo ahcun Tan Khun Kyaw kongah tlangcungmi kan lung a hniar peng rih lai, nain Myanmar Idol ah tlangcung mi kan dintuai lo. Cun, a cunglei i kan langhter bang vote pek cun tlangcung mi nih cun zeitluk kan thiam ko zongah pakhatnak cu kan la kho men lai lo, minung tlawmtam ah kan i thlau tuk. Credit: Hmung Hmung

Leave a Reply