Myanmar Idol In Chin Nu Esther Dawt Chin Sung Salai Pakhat Nih A Chimmi Cu Mak Ko

Hmuhning

Myanmar Idol in ChinNu Esther Dawt Chin Sung. Chin miphun nih nihin kan dirhmun le kan biachim. Kan hmuhning aa dang cio i kan duhning le kan sining zong aa dang cio ve mi minung kan si caah chimrel awk cu a herh ngai ko. Nain nihin Chin miphun hi kan moral le kan mindsets ah kan dirhmu a niam tuk hrim hrim ko. Mifim nih cu mi an bomchan khaw lo hmanah faknak an pek bal lo. Cucaah Salai Lairamthang nih a tialmi hi relhrimhrim u ti ka duh piak ngai hna chinmi nih cun, Nangta zeidah na ruat bal ve.?

Image may contain: 1 person, smiling, standing

Zeiruangah Myanmar Idol a zuammi, Esther DCS kan dirhpi a herh timi keimah le keimah kaa ruat tawn. 1.Chin miphun cu miphun hmete kan si caah kanmah le kanmah kan i dirkamh i, kanmah le kanmah kan i cawisan a herh. 2. Lai phungthluk ah mi pakhat thawng sa pakhat thawng ti a um. Laimi pakhat thawng in kan miphun mithmai a hngal kho i, mi pakhat thawng in kan miphun min a chia kho. Cawn san awk tlak le dirkamh awk tlak kan ngeihmi kan fa naule hna poah cu kan dirkamh hna i kan ser siam dingah ka ruah. A herh le thinlung, a herh le chawva zong in kan sersiam hna lai.

Image result for Dr.Lian Hmung Sakhong

 

3. Sung Tin Par pakhat thawng in Laimi kan hmai a hngal i Lai thil tampi nih hmunhma a ngeih caah kan miphun le kan nunphung a cawisangtu a si pin ah indirect in market zong a kan ser piaktu a si. 4. Vice President Pu Henry Van Thio thawng in miphundang hmai ah kan mithmai a hngal. Amah pakhat thawng in Naypyidaw ah kan thla kam ti lo. Miphundang hmai ah ralthatnak a kan pek.

Image may contain: 2 people, people smiling, people standing

5. Dr.Lian Hmung Sakhong pakhat thawng in Kawram ramkhelrian ah Laimi kan mithmai a hngal. Miphundang hmai ah ho van kan hai ti lo. Sutung bang kan miphun a dirkamh caah miphundang hmai ah kan thla a kam ti lo.

Image may contain: 1 person, standing

5. Esther DCS nih Myanmar Idol a ngah khawh ahcun lam phawk in kan miphun kan cawisan a si lai. Sung Tin Par a ziam hnu zongah caan saupi a chang khotu ding kan fanu a si lai. Kan miphun mithmai a hngalter tu a si lai.

Image result for vice president henry van thio

Chin miphun cu milu tlawmte kan si caah Kawlram pumpi chungah Chinmi minthang kan chuah i kan i sersiam khawh ahcun “Lai miphun kan si, Chin miphun kan si” ti hi kan fanau le hna nih an zahpi ti lai lo. Chin miphun ka si ti hi an i uar chin lai. Cucu miphun kan tun a si i, miphun kan sersiam zong a si. Kanmah le kan ti khawh tawk in kan miphun cawisang cio hna usih.

By Salai Lairamthang (Chin lautunews)

Leave a Reply