Myanmar Idol Hlacawn Piaktu Hna Tracy Nih Yaw Kee Le Say Say Htoo Sawmnak A Tuah Hna

Theihtlei

2019 Myanmar Idol Season 4 zuamnak cu a dongh lei kan panh ziahmah cang. Atuhi Top 4 tiang kan phan cang i tuzarh ah minung pakhat a tla tthan lai i, Top 3 minung lawng an tang rih lai. Kan hnuzarh hmasa ahkhan Naw Say Say Htoo cu a tla i tlawmpal ah Top 5 ah kan naupa Yaw Kee a tla ve tthan. Hi hna pahnih an hung tlak cu mipi zong an ngaihchia ngaingai hna.

Image may contain: 2 people, people smiling, selfie and close-up

Midang a tlami hna cu anmah le an chuahkehnak khua le ram cio an panh cawlh tawn hna. Asinain kan unaupa Yaw Kee cu si ve loin Yangon a cam rih i aralaimi zarhpini chun ah Pathian hlasa dingin sawm a si. Cun Naw Say Say Htoo cu a chuahkehnak khua Kachin ram ah a kir ve i atu cu Yangon leiah a rak kir tthan cang i CMF Biakinn ah Yaw Kee an i tong.

Image may contain: 2 people, people smiling, close-up

Biakinn ah Say Say Htoo he an i hmuhnak tonnak cu Yaw Kee nih a rak langtar langh i an i nuam taktak. “CMF Biakinn ah zumtu unau rual pawl kan i tong hna” tiin an hmanthlak he a rak tar i Say Say hlasakthiam Esther Dwe le Mee Mee Khe fanu hna zong an i tel ve. A sunglawi kho taktak zoh an dawh ngaingai.

Image may contain: 2 people, people smiling, people sitting, people standing and indoor

Cu thil cu Myanmar Idol zuamnak ah a zuammi hna hlasak ningcang a cawnpiaktu hna Tracy nih a rak hmuh i Yaw Kee le Say Say cu anmah Biakinn bakah Pathian thangthatnak an ngeih ding in le pumhpi dingin sawmnak a tuah hna. Cu bantuk ve bantuk in Yaw Kee le Say Say zong nih lunglawmh tein a cohlan i Pathian thangthatnak an ngeihpi hna lai tiah Tracy nih a chim.

Image may contain: 1 person

Myanmar Idol Season 4 zuamnak cu minung 4 lawng an tang cang asinain Wild Card hmang in minung pakhat a rak kir tthan lai ruangah minung 5 an tang tthan lai. Asinain minung pakhat lawng tlak loin minung nih an tla ve lai. Hi Wild Card in mi aukhawh tthannak hi kumtinte an rak tuah tawnmi a si. Ahodah a kir tthan lai tiah na zumh ve?

Leave a Reply