Myanmar Idol ah Pengtlang i ṭanh lawlaw cang ko u Falam, Hakha pawl: Myanmar Idol ah Falam, Hakha ti lengmang hlah u ti lengmang ko zongah ahohmanh nan ngai duh lo. Pengtlang tanhnak ngei hlah uh, nan lungtling bikmi, Winner dingah aa tlak bikmi kha vote ko u tiah chimh lengmang ko zongah zeihlei lo, Falam, Hakha ti-ah pengtlang tanh in nan buai chin lengmang.

Falam nih Falam, Hakha nih Hakha ti-ah nan i tanh dih ziar ko hna i nanmah le nan pengtlang cio kha fak loin i tanh lawlaw ko cang uh. Myanmar Idol hi cu tuan tein khan HAKHA, FALAM cacun pengtlang ṭanh puai ko a lo kan ti cang bang Falam nih Falam, Hakha nih Hakha ti-ah i vote lawlaw cio cang ko uh. Mahti cun buainak a tlawm deuh lehlam lai.

 

Nan tanhmi Falam kongah khan buai ko u, Nan tanhmi Hakha kong ah khan buai ko u. Falam, Hakha ti-ah cun rak buai lengmang ti hlah uh. Benjamin Sum le Esther kongah Falam lei an palhnak dik thlir in ṭial ko ahcun Benjamin caah Falam lei nih bawmhnak an tuah, an hal vial ah nan i nuam tha nan pek, nan uarnak bia zong tampi nan chim cio. Nain Esther caah Hakha lei nih bawmhhalnak kongh an chim vial ahcun Falam pawl an tlokciar, an buai, an soisel hna. An lungtling lo nak an chim cio, peng le tlang thlei dannak ti phun in an chim cio hna.

Falam nih Esther caah bawmh an hal lo Benjamin caah an hal, an ttanh caah a si ko. Cuve bantukin Esther a ṭanhtu nih cun an hal ve awk si ko, Falam pawl nih Hakha pawl cu ee kha ee ti len hlah uh; Falam pawl Benjamin caah nan tangrual bang anmah le pengtlang cio in an ṭang rual ve hau ko! Thantlang lei bel cu tanhmi ngei loin kan uar cemmi kan rak vote lai. Cukha bangia, lukmalak, maluklak.

Note: Caṭialtu nih ahohmanh ka ṭanh hna lo. Nan buai tuk i ka ṭanh huam fawn hna lo.Credit: Vapual Chin