Myanmar Idol Season 4 winner a simi kan farnu Esther Dawt Chin Sung cu a hmurka le a caṭial lawng kan hmu hnuah atu nai te ahmanthlak thar a hun post ṭhan cang. Ahmanthlak kan hmuh lonak caan zong a sau ngaingai. Cun, amah chimning ahcun a tu hi album thar a buaipi cuahmah lio a si.

A album/hlaphel zong tlamtling tein a lim khawhnak hnga thlacamnak in bawm cio hna usih! Kan farnu Esther Dawt Chin Sung konglam cu tampi chim len le ṭial len hmanh a haumi a si lo kan theih dih cio. Ahmanthlak thar apostmi cu minunte pakhat hrawngah like, comment le share tu an tam manh taktak. Miphun dang kawlrammi hrimhrim kan farnu hi an rak uar tuk ve.

Kum 2017 ah CACC nih a tuahmi Lai Idol zuamnak ah Pakhat/winner a rak cotu a si. Cu hnuah kum 2019 ah kawlram huap in tuahmi Myanmar Idol Season 4 zuamnak ah ai tel ṭhan ve i cu zongah cun Winner a cotu a si.

Lai Idol in Myanmar Idol ah Winner a cotu a si. Chinmi/Laimi chungah a bal rih lomi tuanbia ṭialtu a si ti usih law kan palh lai ka zum loh. Kan farnu Esther Dawt Chin Sung hi Minote a si ko nain a nunning le a cawlcangh umtu hoiher tiang zoh tikah zohchun tlak ngaingai a si. Miphun minṭhattertu pakhat zong a si.

Hawi le kom nih an tlaichan ngaingai i komh zong a nuam ngaimi a si. Upa lungfim a chawnhning tiang khi zohchun tlak a si. Upatnak hmaizahnak a ngei i mi tangdor ngaingai zong a si. Album hlaphel a tuah cuahmahmi zong tlamtling tein ailim zaunak hnga thlacamnak in bawm cio hna usih! Photo credit: Esther DCS