Motor Chungah Nu Va Sinak An Hman Ruangah Accident An Tong

 

Malaysia ram mi nungak tlangval ai duhmi hna cu an i citmi Motor chungah nu pa sinak an hman ruangah accident an tong. Accident a tongmi hna hi Giat MARA College ah sianginn a kai lio mi an si. Pa hi kum 19 a si i, a nungak nu hi kum 25 a si.

Butterworth, Penang lamkam ah an i din i, cu an i dinhnak hmun ahcun an pahnih chunglei duhnak i sum khawh ti loin an i citmi Motor chungah nu pa sinak cu an tuah. Nu pa sinak an tuah lio ahcun police nih check dingin an kal hnawh hna tikah thinphan thlalau in Motor cu cak taktak in an mongh i an zam.

 

Cu tin thinphan buin motor cu caktuk in an mongh ruangah Bike he an i pah i, accident an tong colh. Vantthat ah a thimi cu an um lo, nain hliam fak ngaiin an tong. Bike mawngtu hi a keruh a kiak i, sizung ah kalpi colh a si.

Cun, an i citmi motor zong fak piin a rawh pinah tiva ah a tla. Police lei nih accident cangmi kongah thil sining an zohfel i, zeidang le sittha lo tonghmi cu an ngei lo, motor mongh ralrin lo ruangah si tiin case tuahpiak in police nih biahalnak tuah in thil sining an hlat lio a si.

Source: World Of Buzz