Mothers Day Le Fathers Day Hi Bible Ah Pakhat Hmanh Um Lo, Na Nu Maw Tho Na Pa Dah? Bawipa Ni Cu Nu Le Pa Upatnak Ah Na Hman? Rev. Hoi Cung Tum (+video)

Theihtlei

Mothers Day Le Fathers Day Hi Bible Ah Pakhat Hmanh Um Lo, Rev. Hoi Cung Tum (+video)

Image result for hoi cung tum

Special Sunday hmannak kong ah kan Lai thawngttha chim Rev. Hoi Cung Tum chimmi hi van ngai rih ko hna usih. Ruah ngaingai kan za cang ko lo maw?

Bawipa ni hi Sunday tiah min kan pek lawng si loin kan duh ning paoh in min kan pek dih. Laimi khrihfa kum 100 leng a si cang mi nih Special Sunday hman kan uar tuk nak ah kumkhat chungah zarh 20 in zarh 30 tluk bak Bawipa ni kan fir cang. Hi hnu kum za Laitlang ah khrihfabu a kal rih si ahcun kum zakhat chungah zarh 25 kan fir rih a si ahcun a donghnak ahcun Jesuh nih ni a ngei ti lai lo i, kan pa le ni, kan nu le ni pin ah mino le CE ni ah aa cang lai i, Bawipa nih ah Jesuh tu tthangtthat loin kanmah le kanmah tu kan i thangtthat lai i, kan i conglomh cang lai.

Image result for mothers day

Cu lawng si loin Justson ni kan ti Carson ni tiah caan kan hman pengmi hna hi atu ah hin Justson hi nung sehlaw a ning zong a zak lai i, a ngaih zong chia lai. Zeiruang ah dah Bawipa ni cu keimah a salpa upat peknak ni ah nan hman? tiah a ti lai i, a ngaih zong chia men lai. A ngaingai ti ahcun Bawipa ni cu Bawipa thangtthatnak ah hman ding a si ko, kan duh paoh in Bawipa hna hi kan hman awk a si ti lo timi hi lungfim caan a si cang.

Youth sunnday nan hei ti rih, nanmah maw nihin ah hin tho? Nan i thawh i Mothers day nan ti, Fathers day nan ti, Bawipi ni hi nu le pa upat ni maw si? Nihin ahhin na nu maw tho na pa dah tho? nihin hi Jesuh thihnak le thlan in a thawh ni si nan hngal lo maw? Mothers day ( Nu le pa) upat ni kan timi hna hi a dik taktak mi a lo ngai nain Bible ah pakhat hmanh a um lo.

Nu le pa upat hna cu kan inn chungah pei kan upat hna lai cu, nihin ni hi a ho nu le pa ni zong si lo i, nu le pa pangpar tonh ni zong si fawn lo. Nihin ni cu thihnak le thlan in a tho mi Jesuh khrih lawnglawng kan thangtthat ni a si. A hohmanh tthi awih ding zong kan ngei lo, kan ngaihmi cu thihnak le thlan in a tho mi Jesuh lawnglawng upat peknak ni a si.

Nan i thawhtthan i, Culture Sunday nan hei ti rih, Laitlang ah mah ko hi a zual khun. Zeitik hmanh ah zapei bengh a duh lomi hmanh nih Culture Sunday ahcun Laithuam le saki he chat tiah an laam chih. Cu lawng si loin Culture Sunday ahcun thlarau dang an ngei rih, Pulpit cung i a laamter tu kha Jesuh dawtnak si loin kan laiphung philh lonak men i a laam fangmi an si. Kha bantuk laam cu a nungmi Thiang Thlarau laam si loin siasal biak phunkhat he aa khat.

I ralring cang. Siasal tang ka kun rua lo na ti lio caan ah khin na rak kun kho. Cu ruangah Bible lawng hi kan i tlaih i kan i nunpi ding a si, Bible zoh chih in kan kal hnu lawngah a dikmi zumhnak kan ngei kho lai,”timi hi van thei zungzal.

A tlangpi deuh in kan lak i, tling deuh in ngaih duhmi caah video kan rak chiah chih. Tling tein ngaih khawh si.

Leave a Reply