The Chinland Post: Kayah ram, Mobye khuachung, July 25 chun sml 1 hrawngah SAC ralkap mawṭaw 21 in ralkap thazang 300 hrawng he kahdohnak a tuahmi SAC ralkap pawl cu mipi hriamtlai nih an kah hna i ralkap 10 an thi tiah PDF-Moebye nih a thanh.

Kahdohnak hi zaanlei sml 5:00pm hrawng in aa thok i sml 3 hrawng a rau. SAC ralkap nih hriamngan an hman tuk ruangah ralzaam pawl an umnak hmun ah hriamngan a tla i nu 1 a hmun ah a thi colh i pa 1 aa hliam tiah theih a si. SAC ralkap pawl cu BO-1, BO-2, Loikaw PDF le URF phufonh nih an kah hna hi a si.

Chinram thawngpang: CDF-Mindat nih khua khat le khua khat pehtlaihnak hlei an sak
Chin ramkulh, Mindat peng khua 1 le khua 1 pehtlaihnak ah an hman tawnmi hlei hmete a rawkmi cu CDF-Mindat battalion 1 nih an remh tiah theih a si. Kanmah hmunhma a chuakmi harnak cu kan harnak a si ve.

Dothlennak ah ah hriam a tlaimi lawng siloin lam, hlei hna a sami rianṭuantu zong kan si chih timi ruahnak he an i teltum mi a si tiah theih a si. Kanmah hriamtlai pawl hi fur chung cu kan i din lo ti khan a si. Cheukhat nih kahdohnak caah timhtuahnak an ngeih bantuk in cheukhat nih mipi caah rianṭuan a si. Mipi nih bochan mi si kan i zuam peng lai tiah CDF-Mibdat Battalion 1 nih a langhter.