Mizoram Nih A Ton Ding Mi A Hmuh Ruangah Ngaihchia Taktak In A Tap Mi Pu Chawngkhupa-Video

Theihtlei

Mizoram Nih A Ton Ding Mi A Hmuh Ruangah Ngaihchia Taktak In A Tap Mi Pu Chawngkhupa-Video

Image result for aizawl

Pu Chawngkhupa kum 80 a si cang mi hi hlan ahcun mi hlimlaam le lungthin lei a tlamtling lomi ah mitam pi nih cun an rak ruah ti a si. Mah Pu Chawngkhupa kum 80 a si cang mi nih cun Mizoram nih nih a ton ding mi a hmuh chung caah ngaihchia taktak in inn lengah a tthu i a ttap thluahmah ko.

Video kan hmuh bantukin zeidang bia pakhat hmanh a chim lo, a ttah pah in a chim mi bia pakhat cu aw Mizo na ton ding mi na thei lo, tiah a ttah bu le ngaihchia taktak cun Mizoram nih a ton ding mi kong cu a phuan chung.

Image result for aizawl

Video latu pa zong nih a chim mi cu Pathian nih ka pu taksa hmangin phuannak a ngaih i, tuan deuh zongah Mizoram ah ttah ai hramnak fak piin a tlung lai timi a rak chimter bal cang.

Cucaah hi bantuk hna le holh theih lo hna hi lih a si tiah hohmanh nih kan chim kho lo. Hi vialte a theitu cu minung si loin Pathian lawnglawng nih a theih.

(A tangah Dr. Aung Myint Thang chim mi hi van rel tthan) “HOLH THEIH LO” MAW “HOLH DANG” DAH THIANG THLARAU I LAKSAWNG CU A SI?

1. Kan Baibal Biakam Thar cu Greek holh in an rak ttial. Greek Baibal ah holh theih lo timi biafang a um lo. Glossa ti a si i a sullam cu “tongue or language” tinak a si. Thiang Thlarau Thilpek cu langugage (holh) a si. Dididadalala ticu holh a si lo. Language a si lo. Language (holh) cu communication (cawnhbiaknak) tuah khawhmi khi a si. Lilidadafaffufu ti cu i chawnh khawh a si lo. Communication ai tuah kho lo. Holh asi lo caah. Cucaah Laimi holh theih lo hi cu dididadalalafufu ti asi caah hman dawh a si lo. Thiang Thlarau pekmi si dawh a si lo.

2. Kan Lai Baibal ah holh theih lo ti a um ko nan ti men lai. Kan Lai Baibal hi Good News (TEV) in lehmi a si. Kan Lai Baibal nihcun “holh theih lo” tiah a leh. Asinain hi an lehmi Mirang Good News ahcun “Strange tongues” ti tu a si i “holh dang” ti tu in leh ding a si deuh. “Unknown” ti hi “theih lo” tinak a si i “stange” ti cu “adang” tinak a si. Hi zawn ahhin Lai Baibal an lehning attha lo. Ahman lo. Mizo Baibal ah “Tawnghriat lo” ati caah an i cawnmi a si kho. Saya Hoi Cung Tum lehmi ahcun “holh dang” ti in aleh i hihi ahmanmi a si. Cucaah holh theih lo timi hi cu Lai Baibal an lehnak Good News hrimhrim ahhin hmunhma a ngeih lo caah nan holhtheih lo hi hman dawh a si lo.

3. Paul nihcun a lettu an um lo ahcun hmang hlah uh a ti (1 Kor. 14: 5). “Holh dang” or “miphun dang” holh cu leh khawh a si. Japan holh cu leh khawh a si. Didifaflala-lu-huhu ti cu leh khawh a si lo. Holh a si lo. Cucaah nihin nan holh theih lo hi cu hman dawh a si lo. Ttih a nung ngai.

4. Zumlotu hna caah hmelchunhnak a si a ti. Hlanlio zumtu hna cu miphun dang hna holh in Thiang Thlarau nih chimrel khawhnak Thlarau laksawng cu a rak pek hna (1 Kor. 14:22). An thiam ballomi holh in Thiang Thlarau thawngin bia an chim khawh tikah zumlotu hna kha an khuaruah a rak har tuk i Jesuh zumh khawh nak caah an rak hman. Sign a rak si. Didi-dada-lala-fafa- nan timi atu nan holh theih lo hi cu khuaruahhar ding zeihmanh a um lo. Zumlotu hna tluknak tu a si deuh. Cucaah nan holh theih lo hi hman dawh a si lo.

5. Atu i Laimi nih nan hmanmi holh theih lo hi Thiang Thlarau holh a si lo. Thiang Thlarau holh sisehlaw Thiang Thlarau hi mihrut asi hnga. Thiang Thlarau nih dididadalulu tiin a holh bal lo. Thiang Thlarau nih holh dangte a ngei lo. Thiang Thlarau nihcun minung nih kan hman mi holh in communicate a kan tuah. A kan cawnh biak. Dididada ti in a kan cawn bal lo. Cucaah Laimi holh theih lo hi hman dawh a si lo.

6. Holh theih lo hlasak timi hi Baibal ah a um bal lo. Baibal i a um lomi poh cu kanmah nih kan phuah chommi lawngte an si. Pathian nawl loin phuahchhomnak nawl kan ngei lo. Cucaah nan holh theih lo hi hla hna in nan sak caah nan holh theih lo hi hman dawh a si lo.

7. Holh theih lo timi biafang hi Paul nih a theihmi biafang a si lo. Rak si selaw Paul nih a ttialmi Greek Baibal ah a um el hnga. Paul nihcun “holh” ti lawng a ttial mi a si. “Theih lo” ti ai tel lo. “Theih lo” timi biafang cu an i leh palhmi Baibal lawngah a um i leh palhmi biafang cu Pathian thawchuah hnawhmi a si lo. Cucaah nan holh theih lo hi nan mah nih nan ser chommi a si i hman dawh a si lo.

Leave a Reply