Mizoram Cozah Nih Inn Hmun Lo Hmun A Hrawhpiak Mi Hna Sinah Rs. 21,89,75,227 An Pek Hna
Mizoram Cozah Nih Inn Hmun Lo Hmun A Hrawhpiak Mi Hna Sinah Rs. 21,89,75,227 An Pek Hna
Mizoram cozah nih National Highway no. 54, sersiam a timh caah Kaochao-Tipa (Kawlchaw-Tuipang) ah double lane-cawh dingin timhlamhnak a ngaih. Mah National Highway no. 54 siamnak caah hin dum le inn hmun tampi hrawh chih a herh caah nizan ah khan hmun ngeitu hna sinah Siaha DC office nih Tangka Rs. 21,89,75,227 cu hrawhpiak a tongmi hna sinah an sem i, a tangmi Rs. 23,43,58,138 hi amah le sining hoih in kalpi a si tthan lai.
Hi kongah Mizoram cozah nih thanhnak a tuah mi cu inn hmun le lo hmun hrawhpiak a tongmi hna sinah tangka phawtmi hi Ministry of Road Transport & Highways tang i, NHIDCL (JICA funded) lei in hmuh mi a si. Mah hnu ah Siaha DC office-i Land Acquisition cu chonh colh in tangka hi hmun hrawhpiak a tongmi hna sinah phawt an si.
Hi bantuk zawn ahcun Chinram cozah le Mizoram kalpi ning cu aa lo hrimhrim lo. Nangtah zeitindah na ruah ve? Chinram cozah le Mizoram kalpi ning hi cuai van thlai tti hmanh.
A tang hi Chin Cozah Kalpi Ning A Si: Chin ramkulh cozah nih Hakha, Cawbuk pawngkam phungning lo in inn sami pawl cu seh-kyi 10 thazaang le minung 300 hrawng thazaang in an hrawhpiak mi hna cu inn a satu lila nih anmah tein thianhhlimhnak an i tuah rih lai tiah vuanci Pu Sui Thio nih a chim.
Tutan ah phungning lo(cu-caw) inn a sa mi cu cozah lei nih phungning in kan hrawhpiak hna mi hi phung ning lo in a satu hna lila nih an mah tein thianhhlimhnak an i tuah ko lai. Cun inn hmun a soktu hna zong a rauh hlan ah cazin kan zohfel lai i hmunhma kan pek colh ko hna lai. Phungning lo inn a sami hna cu pek phung an si lai lo” tiah vuanci Pu Sui Thio nih a chim.
Tutan ah cozah nih sipin Area chungah ekah 676 chiahding in hmun a humhak mi chungah inn 135 aa sa cia mi cu Cozah nih phungning lo in inn a sa tiin hrawhpiak ding in nawl a chuah hi si. “717 hrawng hmun a lawng mi chungah inn hmun a sok tu minung 1945 nih an sok cang tiah kan theihtawk a si. Cu hna pawl cu kan mah nih tha tein kan zohfel than hna lai i cheu thum ah cheu khat an tang te hnga maw? Hi chungah inn hmun sok than a duh mi zong nih a ngah ti lo, August 18 ni khan a caan kan phih cang” tiah a chimchap. Ref: TCP