Mizoram Ah An Sakmi Solomon Temple Hi Rak Zoh Ve Tuah Khuaruahhar Taktak Asi A Mak Ngamsam Ko (Video)

Mizoram khualipi asimi Aizawl ah hlanchan ah Dr. LB. Sailo cu a mang ah Pathian nih Siangpahrang Solomon nih asakmi  Solomon Temple timi cu a rak hmuh sak i, a mang i a hmuh ning bantuk cun ca le khehdan (pencil) a lak i, cu zuk cu asuai. Hiti Pathian nih ahmusak lioah hin amah hi fak taktak a rak zaw i, aho paoh nih a nung ti lo tiah ruahmi, cu lawng hlah a hawi le kom a chungkhar hmanh nih a nun-dam ding an zumh ti lomi pa asi. Cun amah hi Khrihfa ttha si i, “Kohran Thianghlim” timi Khrihfabu a dirhtu cu asi.

Nain Pathian nih damnak a pek i, cu Solomon Temple a hmuhsakmi cu a thar in a suai tthan i, atubantuk in a dir khawh i a hung um hi asi. Asatu nih an chim ning ah cun hi Solomon Temple saknak ding caah hin phaisa pakhat hmanh kan ngei lo. Cu tikah bawmhnak hal in Miraang ca le Mizo ca in kan ttial i bawmhnak kan hal i, ramchung in bawmhnak an hmuhmi hi Ting 30,00000 hrawng bawmhnak an rak i cuticun an sakmi asi.

Cun chaw le va kan herhmi siseh thil dang kan herhmi vialte zong amah le caan te Pathian nih khuaruahhar in a kan pek tiah chimnak zong a ngeih. Hi Solomon Temple hi ramkip a ummi nih zoh an duh i, a zohtu zong an tam kho taktak. Cun a zohtu cheukhat nih cun hi Biakinn kan hmuh ahhin kan thinlung a dang i, a chungkhar ahhin Pathian Thiang Thlarau a um hrimhrim ko tiah ati zong an um.  Cu Biakinn cu “Kohran Thianghlim” ti asi. A ca in kan ttialmi a tlin lai lo caah atangh amah nih a chimnak video ttha tein zoh khawh le ngaih khawh asi.

A tang cabia hi Pathian nih a hmuhmi Dr. LB. Sailo nih a tonmi kong aa chimmi asi. Rak rel ve hrimhrim khuaruahhar ngai asi ko.

Dr. LB. Sailo “1991 kum ah ka taksa vialte a fak dih, a celh hrimhrim celh ding asi lo. A fak tuk hringhran minung fa nih celh hrimhrim awk asi lomi fahnak in ka fak dih. Ka hawi le kom ka chungkhar hna zong nih ka nun dam ding hi an ruat ti lo. Keimah hi ka der chin thluahmah. Cu ah cun ka hngilh i, mang ka manh i, cu ka mang ah cun Pathian nih Solom Temple an sak ding le a umtuning a ka hmuhsak.

Cu Solomon Temple ah cun a ka chawhter i, thlalang-awng umtuning um zat hna, innka a um zat hna, a tung a um zat hna cun a cung lei a um ning vialte hna zong a ka hmuhsak dih. Cu mang ka manh tlawmpal ah cun ka tthang. Cuti ka thangh tikah cun ka zawt tikah ka ba tuk hringhran. Cuti ka tha dih bu cun cu hmanthlak cu khehdan (pencil) in a zuk cu ka suai. A hnu ah ka dam tikah a thar in ka suai tthan.

A chungah tung pakhat ka dir lo cun puanzar pakhat zong ka chiah lo. Cu nih a langhtermi cu, ahlan i Solomon Temple le Judah Synagogue hna ah puanzar a um tawn i, cu puanzar chungah camhthiam (Priest)hna zong kumkhat voikhat tuu thisen putin an lut kho tawn. Jesuh Khrih vailam cung i a thih lioah khan cu Biakinn chung i puanzar an chiahmi cu lai in a cheu dih. Cu nih a langtermi cu mifim mithiam, Bawi le bawi lo thleidan a um ti lo ti a langhter duhmi cu asi. Cuti bantuk cun Solomon Temple kan sak ve mi zong hi puanzar kan chiah lonak aruang cu asi tiah Dr. LB Sailo nih cun a chim”

Video:-