Mizo Nungak Nu Asining Vialte Aa Phuang Dih Cikcek Zaangfak Taktak Asi Nain A Donghnak Ah Lawmhnak In A Khat

 

Ka caan ka rak hman tawnning fihnung tukmi hi zeiruang ah dah a rak share nan ka ti khawh men. A ruang cu keimah bantuk in a caan a hmangmi, misual an um ve ka zumh caah hi ka testemony in hin nunning thar, thazaang nan lak lai ti ka zumh caah asi. Tuhla ka nunning ka cuanh tthan tikah ka ningzak tuk hringhran i keimah le keimah ka hua tawn. Ka nu le ka pa  cun zeihmanh an thei lo. A ruang cu kan khua Electrics sangah hin ka um tuk lo i ka chuak vak lengmang tawn. Khual na ka tlawng lengmang tawn.

Ka min taktak cu H.Lalnunmawii ka si i, ka chungle nihcun “Mate” ti lawngin an ko auh ka min faknak hmanhin Mate tiin a ka au tu hi ka ngei tawn. Kum 22 ka si in New Delhi ah sianginn kaiin ka um i kum 3 chung sianginn ka va kai. Sianginn khar Summer ahhin inn lei ka ttin lo/tlung lo. Hotel ah rian ka tuan i ka Sianginn kai man pek ding cu ka rianttuanmi man ka hmuhmi in ka pek tawn. Innlei kal taakmi hi mi harsa an si lem lo ruang ah ka nihlawh cu ka kua bal hna lo. Manipur hawi ka ngeih tuk i anmah pawl he cun chuan rian hna kan ttuan tti tawn.

Cu ka nihlawh/tangka in cun beer hi ka caw ballo i party caan tibantuk a um caan ah cun ka ka ding ve tawn ko. Off day ah hawi le kom hna  he Beer kan ding ti tawn i a hnu hna ah cun beer siloin zu din kan i thawk i off day caan lawngah kan din tawnmi kha a hung rau deuh deuh tikah cun zarhkhatah voihnih tel  din duhnak kan ngei cang i kan ding tawn. Ka hawi le hi an rih cang cun Nighclub ah kal an duh tawn i voikhat cu nan ka zulh ve lo cun a ngah lo kan ti ruangah voikhat ka va zulh ve hna kan ei ka ding taktak.

Miphun dang pa minak, mingo zong hmuh ding an tam ngai i ka hawi le cu pa theihhngal bal lomi he an i zul dawi cawlh i keimah te in cun cabuai/thutdanh ah ka tthu i beer ka ding. Mipa pakhat a rak i lam tti ding in a von ka sawm. Ka kai pah ve cang i ka rak Yes ve cawlh ko i cu pa he cun kan lam tti. cuticun, ruahchannak ngeih buin ka biangah cun a von ka hnamh i a a ka dai pah i hmun dangah kal ding in a ka sawm. A ruahmi ka theih caah ka duh lo i ka thutnak tthing ah cun ka va tthu tthan i, kha zaan ah kei cu pa pawl sinin ka luat.

Zu le Beer nih a ka tei tuk cang i zeitik caan duh paoh duhnak in ka khat i Hotel ah zong cun ka ttuan kho ti lo. Ka chuak i kan inn hlanmi ah cun ka um. Zu dinnak phaisa le kan ngei ti si lo kan taksa nih le zu din rumro a duh cang a der zong ka der ngaingai cang. Aizawl i ka um lioah ka darling pa he kan cawlcang sual i ka thianghlim ti lo. Asinain, Dehil ahhin darling ka ngei ti lo nupa sinak in ka luat. Asinain, ka sual tuk i sii hna ka ri tawn.

Ka nun hi a ro in a ro lungdonghnak in a khat i a caan ah cun thih diam hna hi ka duh tawn. Thi ning ti ah le ka hrintthan lo caah Hell ah ka tla lai tiin khuaka ruat i mah le mah i thah le ka ngam ciah fawn lo. Tuar a hringhran ko. Ka nu le ka pa cu ka hle hna ka dam kho lo i rian zong ka ttuan kho lo. Phaisa rak ka kua ulaw ka rak kir lai ka ti hna i anmah nih nih cun phaisa cu an ka kuat. Cuticun, Aizawl lei panhin cun ka tlung i ka chungle nih cun na der tuk an ka ti i, zawtnak ttha lo a ngeimi ah an ka ruah.

A tawi nakin chim ko cang ning law, kum 2018 November thlaah khan Pathian mi hman Evan-Lalrindika sermon youtube ah ka ngeih fuh i “Pathian nih zeitluk in  misual zong a ngaihthiam khawh ko hna, an sual i ngaichih in amah a panhmi hna cu a hlaw bal hna lo” timi thawngttha a chimmi nih cun ka nunnak a ka tongh i ka mittui kham khawh lo tiangin a tla. Bawipa keimah bantuk misual (nu fihnung tukmi) hi na ka ngaihthiam khawh caah ka lawm tuk e” tiin ka lungthin in cun thla ka cam cawlh i cikhat lo te ah ka lungretheihnak ka lungdonghnak vialte cu a tlau dih.

Keimag bantuk misual na si ve maw? Keimah bantuk in lungretheih in na um ve maw? Mah le mah i thah (nunnak i lak) tiang na tim ve cang maw? Ka dawtmi Ka Unau hna Bawipa sinah na sualnak i phuangin ngaihthiam hal law, amah nih cun an ngaihthiam hrimhrim ko lai.

Zaangfaknak tein rak ka share piak ve uh, keimah bantuk in na hawi le a ummi an um ve sual ah cun hi konglam hi rel ve hna seh!  Ka ca copy & Paste in website dangah chiah kan duh lo.