Mitlau Kong Bawmh Halnak.

Chin News

Mitlau Kong Bawmh Halnak. A tanglei i hmanthlak le min kan langhter mi hi Hakha ah a um mi a si i January 11, 2024, zinglei 7:30am hrawng in motorcycle in a leng i atu tiang inn a hlam lo. Chungkhar lei in an hlathlai lengmang ko nain a thawngpang theih a si lo.

A hmu mi le a thawngpang a thei mi kan um ahcun a tanglei number ah rak kan pehtlai hram dingin bawmh kan in hal hna. Pehtlaihnak: 09400301642-  09256128768. Mitlau min: Ram Uk Thang Ref: The Chin Post

Thawngdang: Kum Thum Chung Hrawngah Media Rianṭuan Minung 192 Tlaih An Si I, 4 An Nunnak Liam. SAC nih nawlngeihnak an laak hnu in 2024 January 12 tiang ah media he pehtlai in rian a ṭuan mi minung 192 an tlaih hna i 4 an nunnak a liam. Nunnak a liammi hna hi pa an si i 3 hi SAC nih an tlaih hna hnu ah an thah hna, tiah AAPP nih an langhter.

Kum thum chung ah SAC nih media rianṭuan nu 28 le pa 164, an dihlak 192 an tlaih hna. Nu 14 le pa 55 cu SAC kuttang biaceih zung nih thong an thlak hna i 61 cu atu tiang thlah loin an hren rih hna, tiah AAPP nih cun an thanh. SAC nih an tlaih hna i thong an thlakmi hna cu Yangon ramṭhen in a tam bik an si i minung 26 an si.

Thong a tla mi hna chung ah minung 1 hi thih hlan lo thong thlak ding le kum 10 in a cunglei thong thlak mi minung 12 zong an i tel, tiah theih a si. 2024 January 4 ah SAC nih thongtla minung 9,000 leng luatnak an rak pekmi hna chung ah SAC nih 2021 December ah an rak tlaih mi hmanthlak thawnglatu Kaung Set Lin zong aa tel.

Leave a Reply