Admin||05 Biangreithlep|03|2020||Mipi Sin Theihternak: Hawikom dawt vialte hna nan umnak cio ah dam in nan um hna tiah zumhnak kan nei. May 4 (Monday) cun tlawmpal cu lengchuah kawh deuhnak le riantuan khawhnak caan on piak than asi. Asinain mi zapi dihlak leng nan chuak kho tinak asi rih lo. Zulh ding le nawlngaih ding tampi a um.

May 12 tiang cu MCO ( lockdown) asi rih ko caah a hohmanh a herh huaha lomi ah leng nan chuah lonak hnga le nan vahvaih lonak hnga thawng kan in thanh hna. Cun tlaihkhih zong a tam chin lengmang. UN card nei lomi hrimhrim cu lengchuah lo ah a tha bik. UN zung zong rak thanh cia bantuk in May thla dih tiang cu kal khawh asi hlei rih lo. A herh tatakmi an mah UN nih auhmi lawng kal khawh asi.

CRC zung zong pawngkammi (an mah rammi) lei tihphannak a um ruangah Chin ralzaam hna kan himnak deuh caah tiah May 12 tiang cu nan rak rat rih lo naklai zong kan in nawl hna. A herh tukmi hna nan naihtu ahcun CRC riantuantu pakhat khat sinah phone in rak chawnh khawh peng kan si.

A tu lio MCO (Lockdown) lio zong ah CRC zungkhar asi ko nain tlaihkhih, tihloh le bawmhchanhnak ahcun CRC riantuantu hna zong ni chiar te tih bu le thinphang bu tein miphun caah hmunkip le kaakip ah an kal thiamthiam ko. Bawipa tu nih kan huhpheng cio ko seh. Siaherhnak he, CRC Malaysia