Mipi Cozah nih An kan Ṭhawl ko tiah Ngeichiat Hrum-Ai nak Aw-An-Video

Thawngpang

Mipi Cozah nih An kan Ṭhawl ko tiah Ngeichiat Hrum-Ai nak Aw-n. NLD cung ah Lungdong bak Cang mi Kawl Lothlawh hna. DASSK hi um hla sehlaw cu Kawl mipi nih Cozah Party hi an kal tak nak a hlan tuk cang lai. Pi Ci an dawt tuk caah le an Upat tuk hrinhran caah asi.

Pi Ci cu mee ahmuh ṭhan ko lai nain a dang hi cu an hmuh ṭhan kho ti lo men tiah kawl mipi tampi nih an zai len cang. Mandali le Bago Vuancichuk pa zong an hmuh ṭhan lai. Adang poah poah hi cu Sawthu an si ko. Kan duh ti hna lo an ti. (Sagiang, Monywa, Aywdy le Magway ka hawi le he biaruah nak). Mandali ramṭhen ahhin Loram chutmi (60) hrawng nihin tiang an kong an ceih piak hna lo.

An sawkhluah le an report caa zong VP. Henry Van Ṭhio sin le Mandali Vuancichuk sinah a phan nak ahlan tuk cang. March 13th 2020 ah khan Mandali PM sin ah ra u an ti hna. An va kal tik ah tawn nak Nawl a rak pe hna lo (Dr. Zaw Myint Maung, VP-NLD, Kawlram nih). Akal pi tu hna hi U San Sin, Kawlram Loram chut mi hna bu Lutlai asi. Cuticun Lothlawh mi hna cu ngeichiat thabat le lungdong in an khua cio ah an tlung ṭhan cio hna. Credit: Saya Rungkaw Video timi hi rak hmet law a video zoh khawh a si.

Thawngpang dang rak rel chih: Kawlram president nakin Ralkap Gen.Min Aung Hlaing Nawl a ngei deuh than. USDP le Ralkap uk nak cu a khat ti awk asi ko.Vawleicung ah remh aher bikmi cu Ralkap nih an tuah mi 2018 (Institutions) remh khawh lo ding in an tuah mi asi caah. Gen.Min Aung Hlaing cu Myanmar President nak in nawl ngei deuh tuk asi ko. Kan ram runvennak kongah nawlngeitu bik cu President siseh timi cu asi kho ti lo. Emergency biachahnak angei khotu ding ah President asi lai lo, Gen.Min Aung Hlaing a si than ko lai.

Cu nih alanghtermi cu, Kawlram president nakin Min AUng Hlaing cu nawlngeitu sang deuh a ngei ti nak asi. President U Win Myint cungah ralkap bawizik Min Aung Hlaing a um tinak a si. Ramchung raldohnak kong ah President U Win Myint nih pakhat hmanh nawlngeihnak le ithlak khawhnak nawl a ngei lo. Min Aung Hlaing nih a duhmi kha sum phomh in a phomh than rih hna lai tinak a si ko cang. Apoi tuk ti hlei chim ding kan ngei ti l0. Credit: Salai Thein

Leave a Reply