Mipi Chawhvah Tikah Ralrin Taktak Herh Cang Ralkap Nih Surveilance Camera An Hman Hi Human Right Caah Ttihnung Si!

Myanmar News

Mipi Chawhvah Tikah Ralrin Taktak Herh Cang Ralkap Nih Surveilance Camera An Hman Hi Human Right Caah Ttihnung Si! Myanmar ralkap “Tatmadaw”-nih CCTV Surveillance Camera an hman hi human right caah ttihnung a si kho tiah Human Right Watch “HWR” nih fiang tein an chim. Surveillance Camera hi minung muisam chhinchiah khawhnak le theih khawhnak caah hmanrua ttha bik a si. Cozah department pakhat tlaih dingah an mi duh, an mi kawl lio cu camera nihhin a rak tlaih ahcun cu thawng cu cozah sinah theihter colh a si.

Borders CCTV camera upgrade 'not value for money' - BBC News

A cunglei langhter bangin Camera ttha a si tikah Myanmar buainak le CDM lamzawh lio a si tikah kawl ralkap nih mipi sual kawlnak caah an hman sual lai timi anphang in an ttihnak cu an chim. Naypidaw-ah mah Surveillance camera hi ralkap nih nawlngeihnak a lak hlan December 14/ 2020 ah khan Save City planning cawlcanghnak dingah civil cozah nih Naypidaw-i township 8-ah 335 a bunh cang i, Mandalay zongah 2021 kum chungah bunh dih dingin timhlamh a si.

IP Camera Systems for complete IP security solution

Yangon zongah bunh dih dingin ruahman a si tiin HRW nih cun a chim. Mah camera hmang hin lam cungah minung a tlongleng mi hna cu zeidah an tuah timi le mi zeiantuk minung he dah an i chawnhbiak timi theih dih khawh a si lai. Hi nihhin minung pumpak zalonnak a hnuarsuan lai timi zong an phang cang. A bikin lamzawhtu hna ca hrim ah ttihnung khun si lai”tiah an chim fawn. Mah camera hi Huawei siamchuah a si i, a controlna centre belte cu ramchung company pakhat IT Solution-nih sak khawhnak nawl a hmuh i, a bunhnak lei rianttuantu hi nang Yoe-nih an si tiin HRW nih cun a chim. Credit: BBC Burmese.

Relchih: Britain Cozah Nih A Ram Minung Myanmar Ram Chuah Tak Dih Dingin Nawl A Chuah Cang! Britain cozah zong nih Myanmar ramah a ummi hna a ram minung hna cu Myanmar ram chuah tak dih dingin a minung sinah thawngthanhnak a tuah cang! Britain cozah nih cun Myanmar-ah ummi a minung hna cu a si khawh ahcun a rauh hlanah Myanmar chuah tak colh dingin a thanh hi si, A herh tukmi hna a um dah ti lo ahcun Myanmar ramchung ah um lo dingn ralrinak zong a pek hna.

Cun, Myanmar rmachung chuak kho lo ding na si sual hmanh ah na umnak inn chuah tak loin innchung ah um hramhram dingin nawl a chuah fawn. Hi bantukin a ram minung sinah thanhnak a tuahnak a ruangbik cu “Myanmar ramchung buainak a um lawng si loin thahrum manh riangmang in sualnak ngei lo mipi cu ah a hramhram in cawlcanghnak a zual chin lengmang rungah a si. Kan theih bantukin ralkap nih a hramhram in uknak a lakmi kongah British hi duhlonak a langhtertu bik le Myanmar ralkap a duh bik tu ram an si. Credit: People Media.

Leave a Reply