Cabia hi Dallas, Texas a ummi Siang L. Sang nih Kawlram President U Win Myint sinah Chinram Cozah nih Nawi tidil Dam tuah an timhmi kongah a lungtlin lonak le a duh lonak cabia President Win Myint sinah a kuatmi a si. Chinlandguardian nih mirang ca in an ṭialmi a tawi fiannak in Laica in kan rak lehchinmi a si.

“Dawtmi, President U Win Myint, Chinram Halkha khualipi i Nawi Dam tuah dingmi kongah ruahnak le duhlonak ca ka hun ṭial. Hi Dam nih mipi hlawknak zeihmanh pe loin aa dawh tukmi Halkha khualipi tu hi a hrawh in a hrawh lai.

“Keimah hi Halkha khualipi ah a ṭhang lianmi ka si i BESH No. 1 Halkha ah tang 5 le tang 6 a kaimi ka si. Keimah bantukin ngakchia mino hna caah Naw tiva hi abikin ngatlaihnak ah siseh, ramvaihnak ah siseh, a sunglawi ngaimi a si. Nawi tiva hi hlanlio tein Halkha a ummi a si i ṭhanchonnak caah an tawngh bal rih lomi a si. Nawi tiva (Dam) cu tuah dingin timhtuah a si.

“Na theih bantukin Halkha ah ningcang hnawmtam le tilu luannak a um lo. Furpi ah Halkha khuachung hmunthur khuahnawm le luti tibantuk hi Nawi tiva ah a va luangmi a si. Hi Nawi tiva cu Ṭhal caan a reu fawn. Hi Nawi Dam tuahnak in timh tuahnak an ngeihmi santlai lomi le a si kho taktak lomi a si. Mah dam nih dinti a chuahter lai, i rian tibantuk le ṭhatnak a phunphun (opportunities) a chuahpi lai tiah an ti.

“A cung lei ka langhter cang bantukin, hi Dam a reu lo zongah hmurhnawm le hnawmtam in a khat lai. Cu lawng hmanh si loin, hi Dam nih hin kum saupi pawcawmnak an hmanmi lei le lo tbk le inn le lo tampi ka pi le chungkhar telh in a hrawh dih lai.

“Hi Dam ser dingin a hodah nih a project hi a chuahpi zong i fian a ngaingai i a fiang lo. Hi Dam sernak ding caah ningcang tein le phungning tein ihmaithlak le zong a um fawn lo. Hi Dam tuahnak ding Project hi Chin State cozah siloah, Cozah upa le pumpak minung he ai pehtlaimi le a cawlcangmi zong an si kho men. Nawi tiva hi santlaihnak zeihmanh ngei loin pumpak piak menmen le mipi hlawtnak zeihmanh um lon an hrawh lai ti ka phang. Upatnak hmaizahnak he nawlpat kan duhmi cu Nawi Dam ser an timhmi project hi ṭha tein na kan zohpiak lai kan nawl duh. Hi Nawi Dam nih in aa dawh tukmi Halkha khualipi a hrawh sual lai,” tiah Siang L. Sang nih cun a ṭial. Chirhchan: Chinlandguardian

Note:Mirang Laica in kan lehchawmmi a si caah, ka leh palh sualmi um cun na kan theihthiamnak lai kan nawl duh hna.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin