Miphun Min Hmangin Ramkhel Le Party Dirh Hi Miphun Dawt Si Lo

Chin News

Miphun min hmangin ramkheel tuah le Party dirh hi Miphun dawt a si theng lo. Chin ti mi biafang le min i put ruang ah miphun a huap mi le miphun a daw bik tu kan si hlei lo. Chin timi biafang le min kan hman lo ruang ah chin kan dawt lo zong a si ve fawn lo. Miphun dawtnak taktak cu tuahsernak le mipi zawn zoh in nun thiam hi a si deuh.

Image result for chin party"

Lai aangki ka hruk ruang ah lai miphun ka dawt a si theng lo. Ka hruk lo ruang ah lai miphun ka dawt lo zong a si ve fawn lo. Cu ve bantuk in Tlang cung Ramkheel Party nih Chin min hmang in Party kan dirh le ramkheel an tuah tik ah chin ram a daw khun mi an si hlei lo. Chin ti biafang cu mipi lunglak nak men a si ko. A taktak le ngaingai ti ahcun miphun min telh in party le bu ka dirh tik ah thleidan nun ngeih khi a si ko. Kawl ram lawng ah miphun min hmang in Party dirh hi a tam khun. Ramdang political Party kan zoh hna tik ah miphun min hmang in Party an dirh tuk lo. Party Bu le Phu kan ser tik ah zei bantuk miphun poh an i tel duh nakding le miphun dang hmanh an ngaitlak khawh nakding in Party le Phu ser ding a si.

Image result for chin party"

Chin National League for Democracy Chin Party zong hi C lawng aa dang. A hnulei lung thum NLD cu NLD Party he aa khat ko. Miphun min Chin biafang lawng nih a dan hna. Kha van tuak tuah law? Chin cu party min si loin miphun langhter tu min a si. NLD cu miphun langhter tu si lo in Party Phu le Bu min a si. Cu caah Chin Party CNLD nih Chin biafang an hman mi cu mipi lunglaknak ah an bet chih mi bak a si. Cu lawng si loin Miphun CHIN min hmang in Party dirh le miphun a huap kho tu tiah nan ti. Hihi chin mi na kan aiawh maw? Chin mipi cheu thum cheu khat hna fialnak in maw nan dirh fial lo in dah nan dirh.

Chin Party vote pek lo hi Chin Miphun dawt lo a si lo. Chin miphun vote pek hi Miphun dawt a si theng lo. Hmai khah lo ruang zong in vote pek khawh a si. Chin ti mi min theng hmang lo in ram le miphun ca ah riantuan khawh tuk a si. Ka chim duh cem mi cu minak, miraang, kawl le lai dang loin i tel duhnak Party mi hman hi a tha deuh tuk. Cucaah Miphun min hmang in dirh mi Party cu a te nau tuk, Party puiting ah ka ruat hrim lo. NLD le USDP hi miphun vialte an i tel khawh dihnak Party a si. Party ngan zong an si. Asinain an policies le politic aa dan tuk caah NLD Party hi bochan tlak Party a si ko. Ref: The Voice Of Democracy

Leave a Reply