Miphun Le Ram caah Ṭem In Nak cu Krih Ie Krifabu Caah Inntuarnak Asi: Nannih cu an kut an in ṭem hna lai, Mipi hmai ah nan zoh an I langh hna lai. Taza an I cuai hna lai I thong an in thlak hna lai. Hnawmtin phur le Chiatinkhar an I ti hna lai. Khuapi pakhat hnu pakhat an kal pi hna lai I Biaceih nan si lai. Saṭil Arva le Saram bang in an in ṭem hna lai I hruai nan si lai. An in tuk hna lai I an in den hna lai. An in tuk hna lai I an I thah pah hna lai.

Justice timi thilhman le thildik nan ṭanh nak ah sual an in phawt hna lai. Biatak le ramdeih nak nan phuan ruang ah lihchim ter nan si lai I dantat nan si lai. Nan kut nan zau lai i’ nan duh lo hmun ah an in hruai hna lai. Miṭhalo pa le Lihtinthiam, achuak ka in lih achimh mi pa le, asin ah biatak aum lo mi pa nih ṭhawnnak le huham a pek hna lai. A Krifa bu le a Mithiang hna hremh awk ah khengcung rawl nan purh ṭi mi nan Unau pa kha an hman hna lai. Sihmansehlaw, a Krifabu le a miphun hna caah lugn bantukin nan cal cu hak ter uh law, nan chimh awk bia kha nan lungchung ah bukbau in kan chiah piak hna lai.

Darso serthiam pa nih har nak phuntling an pek hna lai. Nain lungdong loin Timote cu cakuat rih ko uh. Dindeih nak thawngṭha le Nun duhdim nih teinak an hmuh hlan tiang Zion fa hna hacang rial buin tei mak chuak in ṭuan ko uh. Facang phal put lawmh in Ruun Inn nan tlung can a phan te lai. Zan lei ṭah nak zing lei lunglawmh nak mithli he nan khat can kha an ra lio. Laksawng le Suiluchin zong chiah piak nan si ve.

Nihin Kan minphun le ram caah biatak tein a cawlcang mi poah poah aho hmanh an luat lo I Zultu hna bantukin nganfak ngai in na inn tuar cio hna. Mipi kan duh bik mi Cozah chan zong ah kan luat hlei lo. Azual hmanh a zual deuh ko lo maw? ti awk in thil a um cang. Hihna zoh tikah zultu hna Krifabu le thawngṭha ruang ah an Inntuar nak he rup kho bakin an I lawh hna hi tuak lo le ruah loin um khawh asi ve lo.

Kum 72 chung miphun le ram a nganfah mi dam ter nak caah Tlangcung mi kan hawidang cu mino Upa thlu lo, Nu le Ngakchia thlu loin An Ralkap le mipi thlu loin lungtak tein an au pi cio. Kan nih chin mi belte. Cu chinchap ah Darso serthiam pa I Lamkaltu hna hi Salai te Unau rual le Laimi an tam bik rua ti awk in mu!

Kan tu Eden dum le Federal Cu um rih sehmu! An phu lo le an ruahbang lo mi Cunglei thil btk asi Mipi cozah caah. Democracy koko hmanh kal a thiam lo mi tulio cozah! Demo tlaihtleng biapi bik 4 lak ah a tenau cem asi mi Media zalon nak le Mah zumh nak / Ideology zalon tein chimphuan khawh asi rih lo Ram vanchiat, Dawt nak riakrun sawm a tawn bal ve lomi Fingreicat lai ṭhangh tu nei ve lo mi Tlangcung mi hruai tu hna le mino hna tupsapur Harsat Inntuar nak hi mu! Sawm zaa le a pugn in aa pungh ko hi ta.

NCA a lut rih lomi an lut ve I senthuh ve hnu, Kahnak a dai cikcek hnu pin lei ah, Democracy kong kan ceih lai I cucun kan kal lai. Cu hnu ah Federal Democracy phunglam kan suai lai. Mipi hnatlak nak kan la ta lai. Cutin cun Federal Democracy ram serding in Mipi cozah Hmuitinh le Policy cu asi. Kum 50 a tlawm bik a rau ding asi. NLD he Federal Kan hmuh hlan ah Jesuh a ṭum hmasat kho mi asi. Federal cu umrih seh. KIA NCA lut ding ah athin ahun ter mi tuah serh nak asi tiah Kachin mipi nih an au thluahmah cang hi. An thin a linh chin chin cang.

Kachin Ni ah Acting a Piah mi Kachin Mino hna chung ah Mipi cozah nih an tuah to dan hi Film in zoh ve ding in Kan sawm ve hna. Credit: Saya Rung Kaw. Hi ka hi hmet law video in zoh chih khawh si lai.