By Salai Lairamthang||05|Biangreithlep 30|2020|| Minak pa, George Floyd a hnawng a rialtu pa, Derek Chauvin cu an tlaih cang i, an hren. Minung thah le lainawn [ third-degree murder and second-degree manslaughter] in taza an cuai. Minak pa, George Floyd kum 46 cu phaisa ttuh in dawr i thil a cawk caah palek nih an tlaih.

Palek Derek Chauvin kum 44 le adang palek pathum nih an tlaih i cinck an khih hnu ah an thluk i, Derek Chauvin nih a hnawngah a khup in minutes 8 chung a rial chih i, “ka thawh ka chuah kho lo” tiah a au hnu ah emergency in sizung a phakpi i a thi beh.Doctor te nih tha tein an chek tik ah George Floyd hi coronary artery zawtnak le hypertensive heart zawtnak a rak ngeimi ciami a si caah atu bantuk in a thih behnak a si an ti.

Mah ruangah Minneapolis ah sandah piaknak a chuak i, palek he an i phomh, datsi dawr an khangh, inn an duah, dawr an bauh i, thil an fir caah khuaci an mui. President Trump nih national guard a thlah hna i, an van control khawh cang.

President Donald Trump nih FBI pawl cu a rannak in hlathlai dingah nawl a pek hna i, atu bantuk in an tlaih i, taza an cuai colhnak a si. George Floyd thihnak hi a sawsawh a si lo, thil dik kan chuahpi hrimhrim lai tiah President Trump nih a chim.