Min Aung Hliang Nih Ruahnak Petu Dingah Dr NCL A Thimnak A Ruang

Myanmar News

By Zasang Cinzah: Hruai an timhmi a millions Mipi duhnak le ruahnak belte hmanh a la duh lomi, Min Aung Hliang nih ruahnak petu hna a von ichiah ve hi zeibantuk ruahnak khi dah an va pek hnga? Ralkap cu ruahnak pek in aa sersiam ding phun minung an si ti lo. A hloh in hloh lawlaw a haumi a rawk cangmi an si. Cucaah USA ah Law Degree a lami Dr NCL hna ruahnak petu list ah an von taarmi cu, A ruahnak lak an duh bia siloin Aana an tingmi thiamcoternak/ justify tuahnak le ram dang pawl mit ah zoh rem deuh ding in decoration/actor ca men ah an von taar mi a si.

 

Image result for nun cung lian

Cucaah Kan u, Ram Cung Thang Pa/ Pu NCL hi pa duh lo ngai a si ve caah, Ralkap sual phennak ca men ah a min le a sinak hman ding cu a duh bak ve lai lo tiah ka zumh ko. A chung le zong nih an thloh ko lai. Cucaah a mah hmurka kan theih hlan ahcun, daite in hngak rih a tha lai tiah ka ruah.

Relchih: US le Tuluk ral Kawlram ah a tho kho! US embassy nih Kawlram um US minung poh Kawlram chuah taak uh a ti cang. Zeidah cang lai kan zoh lai cu. A luancia kum 60 lio i Asian cakei timi Myanmar ram cu ralkap nih kum 60 chung ah man cikcek in an hrawhhmal dih. Hlan ah cun nihin Vawleicung ram rum lakah aa telmi Japan Singapore Tuluk le Thailand te pawl hi Kawlram ra in kuli an rak hlawh. A fawi nak cun Kawl kuttangah rian an rak tuan hna. Yangon University ah ramkip in sianginn an rak kai hna i Yangon University a dihmi cu khui ka ram poh ah rian an tuan kho. Cohlan dih an si.u tluk cun fimnak le chawlehnak ah a rak sang taktakmi Kawlram a si.

Cu tluk ram tha ram rum cu U Ne Win hruaimi ralkap nih chan khat hnu chankhat an hrawh i anmah ralkap uknak tleih hnu kum 25 chungah Vawleicung ram sifakbik lak ah Kawlram cu aa tel ve. 2015 in kan Pi Suu Kyi party nih teinak an hmuh than tikah zeizongza sersiam le remh dih an i zuam. An tuan cuahmah lio le ralkap nih kum 60 chung an hrawhhral cangmi cu a hramdomh in an tunmer liopi ah Ralkap nih Nawlngaih nak an chuh than hna.

Cuca cun nihin kan ram a buai cur. Kan theih ding ah tutan Kawlram buainak ruang ah a chuak khomi cu US le Tuluk ral an tho kho. Anmah ram hnih hi Ui le Mee bantuk in aa ralmi an si. A zei lei poh in aa zuamcawhmi an si. An i ngiarnak a sau taktak cang. I tuk an hir tuk nain UN nih a onh hna lo. Sinain tutan ah Tuluk nih biatak in amah siapuazi ruat in Kawl ralkap a dirpi hna a bawmh. A ralkap le hriamnam zong Kawlram ah a chiah ti si.

US nih le ralkap tuknak khua lawng a ruah ve tikah Hi hna ram hnih ralpuai hi Kawlram ah a cang kho. US nih Kawlram ralkap um ning an ngiat thlai cang i Kawlram chung ummi US minung hna zong ralrin a pek hna. Cucu US a policy a si. Cun President nawlngeihnak in zei ram poh US nih a tuk khawh. Congress biachahnak theng tuah a hau lo.

Security lei ah cun US president cu full power an ngei dih. Cucu a luancia an tuanbia zong ah hmuh khawh a si. Tutan kawlram buainak ah hin US le Tuluk ral an tho kho timi hi hmuh khawh mi a si. Hi hna ramhnih an buai cun nitlak ram le nichuah lei siloah Khr’hfa ram le zumlotu ram tiang a buai kho. Tutan buainak hi Min Aung Hlaing hruaimi le NLD or mipi kar buainak lawng in hmuh ding a si lo. Ralkap aanaa laknak phen ah zeidah a um timi a lang colh lai. Saya Tluang Ceu Thang

Leave a Reply