By Zasang Cinzah: 2021 ah Min Aung Hliang a chuahsualnak le Kawlram Democracy hmuhnak ding a lam a si khomi cu: FOREIGN policy mit in kan zoh hmasa rih lai: U.S, EU, Canada, Australia tbk le Asia ram tampi nih Ralkap/ MAH sermi State Administration Council cu an rejected i, Mipi thimmi NLD le aiawh/ representative pawl hi dotla Cozah an si tiah an cohlang nak an thanh cang.

US nih Ralkap lutlai pawl an Phaisa hmuhnak a phihpiak hna pin ah Ralkap ngeihmi company pawl ram dang ah export tuah kho ti lo dingin a phih piak rih cang hna. Rohingya issue ruang ah UN chungtel tampi, Arab world, US allies, le South-east Asia pawl nih tutan ah Burma 🇲🇲 Ralkap hrawh hi caan tthabik ah an ser cang.

Economic sanctions hmang in a hngawng an reh cang. US nih Myanmar 🇲🇲 ram mipi, CDM tbk movement caah harnak a tongmi bawmhnak/ assistance cu 42 millions a pek cang. Direct in mipi sinah, NGOs le Activists group sin in a phakter lai. Ram dang tampi zong nih Cozah doh ruang ah harnak a tongmi hi an bawmh hna lai.

China 🇨🇳 hi hlan bantuk a si ti lo. Communism in capitalism ah aa thleng cang caah, U.S le Allies pawl nih biatak tein an cawl ahcun a holh ngam tuk ti lai lo. Russia 🇷🇺 zong cu thiam thiam. Anmah ram economic kha biapi ah an chiah deuh cang lai. Kawlram chung cawlcanghnak in kan zoh tthan lai.
Kawlram ah Illegal cozah SAC vs NLD Cozah tiah Cozah 2 in an um cang. Ramchung ah Ralkap companies chuahmi products vialte boycott tuah khawh chung tuah an itimh cang i, Ralkap thazaang a simi Phaisa a zawr sup colh lai.

Mipi nih BANKS an Khar lai, Electric Bill tbk an pe ti lai lo caah Ralkap nih Phaisa hman awk an ngeih te lai lo. US sanction ruang le Rammi nih boycott ruang ah RALKAP an nunnak a simi, an companies vialte a tla dih colh lai i, Min Aung Hlaing nih a Ralkap pawl laj khan/salary thoh awk a ngei te hna lai lo i, Ralkap family tampi harnak an tong colh lai. Cu tikah, Ralkap lila chung in tampi nih an meithal an chiah te lai.

CDM movement ruang ah Ralkap Cozah sermi Cozah a function kho ti lai lo. Cucaah, Ralkap hi an tlu colh te lai. Ralkap an tlu i, NLD Cozah an von kai ahcun NLD nih federal army declare/ a thanh kho te mi a si i, cutin a tuah ahcun tlangparmi hriamtlai dihlak kha anmah le an State ventu security force ah a hman colh khawh hna.

Cun NLD Cozah nih phunghrampi thar an ttial chung ah UN peacekeeping hna hi request a tuah khawh hna. Cucaah, 2021 ah Ralkap nih aana an tingmi hi an ichuahsual cikcek ko lai i, Kawlrampi aa thleng thainak a si hrim lai. Tulio Generation Z pawl nih Ralkap nan doh ning hi lung a hmui taktak. Zan ih kho loin, hmaifa seh in nan seh cang ko hna.