Min Aung Hlaing Nih Aa Tinhmi Tlamtlin Dawh Si Lo

Myanmar News

2023 Thimhnak Tuah Khawh Asilo Ahcun Ralhrang Rallokap Nih Uknak An Peh Men Lai. Min Aung Hlaing Mang 2023 thimhnak hi tlamtlin dawh asi lo. Asi khawh nak LAM a tlawm ngai. Namhchan in le hramhram in an tuah lo ahcun: 2023 thimhnak hi asi khawh lailo. MAH nih thla 18 chung a tuahserhnak vialte hmanung bik hmuitinh cu 2023 thimhnak tuah khawh ding ah asi. Bochu Hmuhci MAH in Tamada MAH (asiloah) State Chancellor U Min Aung Hlaing tiah thlen aduh. Zuamnak lam a um mi vialte aa zuam dih.

Myanmar Junta Extends State of Emergency by Six Months

Lamkhamh tu vialte hloh dih le that dih timi Mumal in a kal. Practical in a tuah ve. A tuah cuahmah rih lai. ASEAN, UN le Vawleipi ah Legitimacy aa zuam. Cohlan tu le cozah na si ti tu a ngei lo. Amah dohtu Mipi an kan thah cuah mah, Ko Jimmy 4 a thah hna I, Dohthlennak ngawl hna seh, ti a duh, a linsa chinchin. Thla 6 uknak amah tein aa chap, ASEAN biachahnak 5 ka tlin ter cang lai tiah bia aa kam, ASEAN nih Meeting kainak nawl an pek thotho lo. American nih fak pi in ka hrem lai ati cang.

2023 thimhnak tuah khawh lo ding in NUG nih kaa zuam lai ati. Dohthlen tu vialte nih Ram chung le Ramleng he 2023 thimhnak tuah khawh lo ding in kan I zuam lai. American Luban Ned Price nih Hlenthawi nak asi, zumh hlah uh, doh uh, 2023 thimhnak hi ati ve. PEACE a tuah pi hna, EAOs le Tlangcungmi cu nan duh vialte kan pek hna lai, PDF zong hriamnam chiah uh, 2023 thimhnak hnu ah nan duh mi uknak kan tuah piak hna lai, TEITU Party sinah uknak ka chanh lai, tbk in a lemsoi hna. Tlangcungmi duh mi Federal phun asi lo caah amah MAH le a tefa hna zungzal SPH sinak asi tiah an cohlan duh ti lo.

Tlangcung mi cu PR in a sawm hna. Ahohmanh I tei mi um loin a tlukcio tein kan in phawt zam cio hna lai tiah EAOs le Tlangcung mi cu asawm hna. Tlangcung mi hruaitu cheukhat cu 2023 thimhnak ah aa tel duh mi an um men lai. Sihmanhsehlaw EAOs- CDF- CNDF- PDF kha an pah chih ngam lai ka zumh lo. MDF le ZRA belte Party line ah thlen in, an I tel khawh men.

Adonghnak bik ah: 2023 thimhnak an tuah khawh lo ahcun: Ralhrang Rallokap nih uknak an peh lawlaw men lai. 2008 phunghrampi kha an hrawk lai i, a thar in an suai ṭhan khawh mi asi. Raldohnak belte chanchung aa peh ve lai. Kum 80 leng taitai cu kan rau ti hnga maw? Credit: Saya H. Rung Kaw

Leave a Reply