Min Aung Hlaing Le Tuluk Thil Tuah Cu Ttihnung Taktak Si Cang

Myanmar News

Ralkap Doctor specialist bak a simi Sizung in a zam i CDM ah a lut mi nih a zamnak le CDM ah a luhnak a ruang a phuan cu tuksum taktak a si ko. Vawleicung ralkap nih an tuah bal lomi cu Kawl ralkap le China nih Kawlram mipi cung ah an tuah. An thil tuah mi zoh tikah vawleicung i a um bal mi sual vailte a ne zong an khomh dih, a um bal lo mi sualnak tamtuk an tuah cang i minung lungthin cu an keng lo hrim hrim si ko.

“Meiktila Ralkap Sizung ah a ttuan mi Ralkap Doctor Specialist minung 4 hna cu tulio Min Aung Hlaing thiltuah le cawlcangh an duh ti lo ruang ah Ralkap in an zam i, CDM ah an lut ve cang. Cun Mandalay Ralkap SIzung ah a ttuan ve mi Ralkap Doctor Specialist minung 2 hna zong an zam ve i CDM ah an lut ve”.

Ralkap Doctor specialist a zam mi nih a chim mi cu “Nitin te minung chungril an kan chuah ter. An thinlung le chungril vialte an kan chuah ter i China sin ah an zuar peng. Minung chungril le thinlung chuah in China sin ah zuar ter peng timi cu a si kho ti lo, kan tuah kho hrim ti lo. Cucaah Ralkap Sizung in kan zam i, CDM ah kan luh hi asi” tiah a chim.

Relchih: Myanmar ralkap nih rammi cung ah an tuahmi sualnak tehte 180,000 CRPH ah a Phan tiah Dr. Sasa nih Langhter February 1/2021 thawk in Myanmar ralkap nih rammi hna cung ah an tuahmi sualnak tehte 180,000 cu CRPH sin ah a phan cang tiah Dr. Sasa nih nihin ah a chuahmi thawngthanhnak ca ah a langhter.

Tehte 180,000 a um pin ah upadi he aa kalh in Myanmar ralkap nih mi an thahmi 540 an si i, tlaih an ton hnu ah a nunnak a liammi minung 10 an si, tiah a langhter chap. CRPH nih a sermi upadi thiamsang bu le atulio Myanmar kong hlathlaitu Independent Investigative Mechanism for Myanmar “IIMM” timi bu cu nihin April 7 ah tonnak an ngei lai i hmailei rianttuan tti ning pawl an ceihmai lai tiah Dr. Sasa nih thawngthanhnak ah a langhter. The Chin Journal

Leave a Reply