Bangkok Post Journalist pakhat a simi Larry Jagan nih ralbawi Min Aung Hlaing cu China a zaam tiah thanhnak a tuahmi cu amah lila nih fianternak a hun tuah ṭhan. Ralbawi Min Aung Hlaing cu China ah a zaam ṭhan loh.

“Cacawn nikhat ni Bangkok Post thawngpang ka ṭialmi (ka article) cu ṭha tein zohnak ṭhannak ka ngeih lo caah theih palh sualmi le rel sualmi a si. Ralbawi Min Aung Hlaing cu nirukni ah khan China a kal lo. Ṭha tein a relmi nih cun fehter a si lo timi kan langhtermi an i fiang ko lai.

“Thawngpang ka chirhchanmi nih a ping ah a ka hruai caah le thukpi in khuaruah lo ruangah a si. Careltu nan dihlak in Min Aung Hlaing China a kalmi thawngpang dik lo nih nan lungvaihter in in cawtter hna hlah se,”tiah mipi sinah fianternak a tuah ṭhan hi a si.

Biakilh: Kanmah nih a tawi fiannak in kan von lehchinmi a si i cunglei i hmanthlak kan taarmi ah tling tein le fiang deuh tein rel khawh a si lai.

Update: 8:40 PM March 1 ah Hakha khuachung tlaihmi Nu 8, Pa 15 an si; Thaizing an thlah than hna lai. Nihin chun duhlonak langhtermi chung in le lam ah riantuanmi le a chawklet sawh mi chung in, minung 23 tluk an phan tiah theih a si.

Hi kong ah pehtlai in, CNF in Vice Chairman -III Dr. Sui Khar nih, Ralkap lei Border Minister (Ramri Vuanci) a chonh tiah kan theih. “Hakha ah tlaihkhih a tong mi kong ah [CNF] an lung a lawmh lonak kong a chimh tik ah, Ramri Vuanci (Border Minister) nih, atu an tlaih mi hna cu thaizing ah an thlah than ko hna lai. Mi sawhsawh, a chawklet sawh mi le riantuan mi an tlaih mi hna cu thaizing ah an thlah ko hna lai. Nain, hlathlai deuh a herh mi minung, hruaitu deuh bel an i tel a si ahcun, hren chap an si kho men” tiah naihniam sin in kan theih.

Tlaih khih a tong mi kong ah, Hakha Palek zung auhnak in hruaitu upa cheukhat zong tuzaan sml. 8 tluk ah tonnak an ngei tiah kan theih. Nihin tlaihkhih a tong mi vialte caah, Pyidawtha Sang nih Zaanriah an rin hna i, IBC Biakinn nih, zaanthuanh puan an rinh hna tiah theih a si. Source: The Chinland Post (Photo: CHRO Facebook Page)