Min Aung Hlaing Hruaimi Ralkap An Hlawhtling Lo

Myanmar News

Hriamnam he hramhram in cozah riantuantu le bank riantuantu riantuanter an timh hna nain nizan kha an hlawh a tling lo. Min Aung Hlaing cu ai hngilh kho ti men lai lo, a lungrawk tuk lai. A ruah leng in mipi nih kan huat timi a thei cang. Atu ning in CDM le lam zawh kan peh khawh ko ahcun tuzarh chung ah result pakhat khat cu a lang hrim ko lai.

Image result for Min Aung Hliang

UN le US nih hriamnam in tlangtlak awk a tha rih lo. Ralkap nih zawnruahnak ngei loin rammi an kan kah i an kan thah sual lawng ah ramdang nih an tlangtlak duh lai. Atu lio cu ramdang bochan tuk awk a si lo. Yangon ah mipi lam an zawh ning zong ai dang deuh ngai cang, voidang Sule le Hledan deuh lawng ah lam zawh a si nain atu cu ralkap le palik an lor ngam lonak US embassy hmai khi center ah an lak cang, lam zawhtu cu nifatin lampi an khat lengmang ko.

Image result for Min Aung Hliang

Relchih: Generation Z pawl, Ralkap doh in sandah a piahtu hna: Guitar iput ulaw lampi ah concert tuah pah u! Ralkap dohnak au-aw kha hla in sa u! DRUM le Khuang zong iput ulaw lam pah u! Ralkap nih an fialmi hna, Misual le buainak chuahtertu an um ahcun hrial hna u! I hngalhter hlah u! Kawlram pumpi zalam kip kha, concert hmun bantuk ah caanter dih u!

khuate kip a simi paoh kha nan Khua cio ah ipum ve ulaw sandah piah ve u! Pictures le video kha Facebook le social network sites kip ah thlah u! Khuate ah sandah nan piah zong kha Vawlei kili in kan rak hmuh khawh viar caah hmual a ngei tuk.

Ralkap nih meithal puah an duh tuk caah buainak ser an duh. Cucaah, misual an thlah hna kha a si. Cucaah, Ralkap rap ah ifawih hlah u! Lion 🦁 Pi hmanh rawl ttam in a um tawn bantuk in Kawl Ralkap cu an Rawl a ttam colh lai. Pam nih a tlunh cuahmah cang hna. An companies a rawk lai. An Phaisa a reu lai.

Israel miphun nih muko he Jericho an hel i, Jericho Walls pi, amah cim in a cim bantuk in Guitar 🎸 le thongluai he salam ah nan aumi nih Ralkap hna cu Rawl ttam in a chiah hna lai i, anmah le anmah lila an ido te lai i, an tlu te lai. Credit: By Zasang Cinzah

Leave a Reply