US, Japan, India le Australia nih Myanmar Democracy kong ah lungtlinnak an Ngei US, Japan, Australia le India nih Myanmar ram Democracy dothlennak kong ah lungtlin biachahnak an ngei, tiah theih a si. “Myanmar ram Democracy dothlennak ah hnahnawhnak a petu bu pawl fak piin lehrul ding” tiah a cunglei ram 4 nih lungtlinnak an ngei.

President Joe Biden nih US President a ttuan hnu ah US, Japan, Australia le India ramleng vuanci pawl a voi khatnak bik tonnak an ngei i, vawleicung COVID-19 kong Myanmar ram kong le Indo-Pacific ramri kong pawl ceihmainak an ngei hna.

Myanmar ram ah Democracy uknak phung khulrang in ser khawh tthan nak ding le ralhriam le thazaang hmang in thimnak phichuak thlen an timhmi hi fak piin dohdal ding in timhtuahnak kan ngei tiah Japan ramleng vuanci Toshimitsu Motegi nih a chim. Source: News Journal

Relchih: Popular media nih chan an tthen ning ahcun 1960s in 1980s karlak ah a chuakmi paoh hi Generation X tiah an auh hna. 1980 in 1996 karlak hi Millennials tiah an au hna. 1990s in 2010 karlak chuak hi Generation Z tiah an auh hna. Tulio Chin miphun minung hi nan chan 3 karlak minung hi kan tam bik.

2020 lio i PM aa cuhmi le, Khrifabu kip ah upa a tuanmi, pastors le Cozah riantuan tampi hi Generation X deuh hi an si. 2020 election lio ahkhan, Millennials pawl nih biatak tein generation X pawl nih hruaitu hmunhma an kan pe duh lo tiah an zai hnawh hna. Millennials pawl an thangcho lonak hi Generation X ruang tampi aa tel tiah ka hmuh. Hmunhma an pe duh hna lo. An dirh kamh in, an support duh hna lo.

Promote zong an tuah duh hna lo. Anmah Peng kha hmunhma le savo an icuh. Generation X ahhin a corrupt tuk mi hruaitu an chah/ tam tuk rih fawn. 2021 Kawlram buainak ahhin generation Z pawl an rak chuak ve. Biatak tein Millennials nih an dirpi hna i, an support mi hna hmuh tikah kan society ahhin thil tampi aa thleng cuahmah cang ti a lang.

Tulio ah biatak tein generation Z pawl nih sandahpiah an piah i, Cozah an doh lio ah generation Alpha pawl nih an von bawmh ve hna hmuh tikah tha a tho chin lengmang. 🙂 Nain generation x pawl belte cu an ithup dih ngawt! Khawika an um zong hngalh an si huaha ti lo. By Zasang Cinzah