Min Aung Hlaing Cozah caah cun thinphan lo awk a ṭha ti loh

Myanmar News

Ralhrang tiah official in CRPH nih a thanh diam. CRPH nih SAC cu Ralhrang phu (Terrorist group) tiah nihin zaanlei ah Official in thanhnak an tuah, Vawleipi hmai Ralhrang phu nih Ram mipi thah an kan timh cang tiah a thanh bantuk a si cang.

No photo description available.

Ram mipi an kan veng lo, an kan thah, thisen an chuah, hnanawh nak an kan pek, kan nunnak a him lo, an cawlcangh ning zoh tikah Ralhrang phu a si tiah official in thanhnak cu CRPH nih a tuah lawlaw hi asi.

No photo description available.

Min Aung Hlaing hruaimi Ralkap Council cu Ralhrang phu(Terrorist group) ti an si cang caah Ram mipi nih venghim tu hriamtlai kan ngei ti lo. Tlangcung miphun hriamtlai pawl tu hi phungning tein an kan vengtu hriamtlai phu kan i ngaih mi cu an si cang ti khawh asi.

Min Aung Hlaing hruaimi Ralkap Council pi cu Ralhrang phu tiah official in thanh a si cang caah, rian a khin mi hna a cohlang mi minung paoh zong Ralhrang phu an si ve cang, cu lawng hlanh CDM ah aa tel duh lomi Cozah rianttuan dihlak zong Ralhrang phu a bawmtu, a cohlang tu an si cang ti nak a si.
Chin miphun (Tlangcung miphun) kan caah caantha tuk a si cang.

Cozah kan ngei lo, hruaitu mumal kan ngei ti lo. Cu caah kan mah le ramkulh (State) cio ah Independent phuan khawh a si (Or) Union of Burma ah kan um hlan, Independent hlan ah British nih an kan ser piak mi Chinland Constitution ning in kan i uk/hruai ve cang lai tiah Mindat bantuk in thawngthanhnak tuah ve cio ah a tha chinichin cang.

Cu bantuk in Tlangcung hmunkip zong nih Union of Burma ah an luh hlan i an rak hman mi phung ning in kan i uk/hruai ve cang lai tiah thawngthanhnak an tuah ve cio ahcun teinak lam a nai ti khawh asi. Kan hriamtlai (CNF/A) nih khuapi khuate ah venhimnak zalong tein tuah hna seh, Chinland Constriction ning in kal ve cang uh sih tiah ahcun a lam a kau deuh ngai cang ko rua. Source: Salai Cung Dawt

Leave a Reply