Min Aung Hlaing Cawlcangh Ning Cu Ngaihchia Takak Si Cang

Myanmar News

Hi thawngpang le hmanthlak hi Sanchaung mibu pawl an i chonhnak social media group ah an tarlangh mi asi. An mah Ralkap chung, Police chung lila sin in Biathli kan theih tiah a taang lei hmanthlak le Cabia hi an tial mi asi. Dik dawh ngai a si ko. An tarlangh ning ahcun “Min Aung Hlaing nih a mah Ralkap lila zong a zum tuk ti hna lo.

A umnak ah Lungre thei ngai in a um ve cang. A si khawh chung in telephone le online in a minung pawl meeting a tuah pi hna. A sinain a herh tuk mi, Lutlai lei deuh taktak pawl meeting a auh hna hmanh ah inn ka hram ah an thilri an phoih ter dih hna” ti asi.

Cun “Police le Ralkap Nu an si zong ah Naypitaw Meeting room an luh lai ah Min Aung Hlaing Security nih an thilri an phoih ter dih hna. An takpum cung ah zeital a ummaw, hi dden camera, cheap (Recorder) timi an kawl, an hnuk le an taang lei tiang an purh dih hna. An mah inn in Pen (Catialnak) zong ken a ngah lo. Naypitaw Meeting room chung ah Meithal le Pistol zong an i luh pi kho ve ti lo” ti asi.

Cun Meeting room chung an phak zong ah Min Aung Hlaing cu Thlalang in khaam dih mi (Meithal kuan nih a kah khawh lonak) hmun ah a tthu, cu ti cun meeting a tuah pi hna ti asi fawn. An tial ning ahcun Min Aung Hlaing hi a security caah a thinphang, zaan aa hngilh kho ti lo. Cu caah a herh tuk mi Meeting a auh hna zong ah Ralbawi nu le pa pawl an si zong ah Police lutlai bik lei Nu an si zong Pa an si zong ah an taklawng bak in a luh ter hna, kutka hram ah an check hna, an muai ta dih hna ti asi.

Atu hmanthlak an tar mi zong hi Naypyitaw, Min Aung Hlaing meeting auh mi ah a kai ve mi Ralkap bawi nu a si tiah an chim. Mah hi official website le Mainstream media nih an langhter khawh lomi asi caah dik ngai dawh asi. Laaknak: L.K.K

Relchih: Min Aung Hlaing cu a ttah lawng chuak ko cang lai hih. Kawlram kongah India lei in thanhnak an tuah cang. Kawlralkap ai awh in Falam uktu nih Mizoram Champhai lutlai sin ah Mizoram Champhai ah a ummi Kawlram palek minung pariat a rak zammi hna cu kawlram ah rak kua hna uh tiah
cakuat a rak ttial.

Asinain India Union Home Minister Amit Shah nih Kawlram ralzam caah thawngpang ttha taktak thanhnak fiang ko in a chim. India Union Home Minister Amit Shah nih a timi cu ralzam hna hi kuat an si lai lo tiah fiang ko in Mizoram Chief Minister Pu Zo Ram Thang sin ah theihternak a tuah cang. Kawlralkap nih february nikhat ah rampi cu phungning loin uknak an lak ruangah ramchung mipi hna nih kawlralkap hna cu biatak tein hmun kip le
kaakip an doh hna.

Cutik ah kawlralkap le palek hna nih duhlonak alanghter mi ramchung mipi hna cu biatak tein an kah hna in an tleih hna. Minung tampi nunnak a liam cang. Hi ralkap tuahsernak ruangah palek tthenkhat hna cu CDM ah an lut i, mipi lei ah an ttang hna i, an rian vialte an chuahtak hna. Palek tthenkhat CDM atuahmi hna cu ramchung ah an him ti lo caah an zam hna.

Minung tthenkhat hna cu Thailand ah an zam hna i, minung tthenkhat hna cu India ah an zam hna. Hi a zammi chungah Falam palek uktu nih india ah a zammi palek minung pariat hna cu rak kan kua tthan uh tiah Mizoram Champhai lutlai sin ah cakuat an ttial. Cu kong cu Champhai uktu nih India Home Minister sinah theihter nak an tuah.

Sihmanhsehlaw India Home Minister nih Mizoram Cozah Chief Minister sin ah ralzam pawl hna cu kuat tthan an si lai lo tiah theihternak atuah cang tiah Mizoram thawngzamhnak ngan asimi Zonet nih a langhter. Theihcio bangin Falam uktu ralbawi nih Cakuat arak ttialmi kha aliamcia kan hnu zarh march ni 5 ah khan a rak si.

Sihmanhsehlaw tutan ah thawngpang fiang tein India cozah nih kawlram ralzam kongah thawngfiang athanh cang. Tuan deuh ah khan India cozah nih Kawlram ralzam hna hi kan cohlang hna lai lo tiah an rak langhter hnu ah kan Unau a simi Mizoram Lawngtlai zong nih thanhnak an tuahmi an rak letnak kha asi. Atu ahcun mizoram cozah nih kan sikhawh chungin kan in zohkhanh cang hna lai tiah an thanh pin ralzam zong kuat an si lai lo tiah an chim.

Leave a Reply