Min Aung Hlaing Aa Chuah Sual!

Hmuhning

Min Aung Hlaing aa chuah sual! Five-2 uprising a kalning zoh tikah a lampi a hman tuk. Cenghnia rual nih pawpi taar an dummi bantuk in an dum cang. CDM hi Min Aung Hliang caah chungtlik si a si. Tuhi thlak khat/ one month te lawng a kal rih nain a der tuk manh cang. Ram chung lei thil sining zoh tikah, tuletu in washroom ah a tlimi bantuk in, a police le Ralkap an zam sual tiah thinphang in zan ah a it thiam ti lo.

Min Aung Hlaing a nun khawhnak, a chung ril a simi, Cozah riantuan vialte, CDM ah nan itel ko ahcun, zeitindah a celh lai? CDM ah aa tel rih lomi vialte hna, rak itel zawk cang u! Chin miphun hi Pathian nih a kan dawt. Pathian nih a thimmi miphun kan si timi hi a fiang chin lengmang. MYANMAR ram chung, miphun dang lakah Chin miphun si hmai a hngal tuk an ti. A dik. Atu Five-2 uprising a von chuak tikah, Myanmar ram save dingin, Chin miphun liang cungah a ummi ko khi a lo cang. Dr. Sasa in, Chin leaders vialte an ifun dih cang.

1949 ah Insein ral lio ah Mirang nih an rak dirh tami, “Chin battalion’ nih Myanmar an rak khamh/ Save bal cang. 2021 ahhin Chin miphun nih Myanmar kan Save lai. Chin miphun nih kan duhmi Federal tling zong kan hmuh chih lai tiah 100 ah bak in ka zumh cang. Cucaah, Chin miphun kan pale vialte, ram chung ah a cawlcangmi Generation Z vialte, Pathian nih Myanmar ram khamhnak caah an hman cuahmah hna. Min Aung Hlaing cu aa chuahsual cang! Source: Zasang Cinzah

Thawngpang thar: Hakha MCH pawng ah mino nih mifir pakhat an tlaih nain a zaam than. Chin Ramkulh Hakha khuachung Cherry lampial MCH pawng 2021 March 7 suimilaam 7:00PM tluk ah mino hna nih mifir pakhat an tlaih nain a zaam than tiah kan theih. Atu an tlaih mi pa hi a min ah Mizoram mi Puia ti a si i a nupi hi Laimi a si.

An tlaihnak kong he pehtlai in an tlaih lio ah aa telmi mino pakhat nih, “Kan tlaih hi suimilaam 7:00PM tluk ah a si. Kan tlaih ka in bia kan ruah hmasa, suimilaam 8:00PM tiang hrawng. Bia kan ruah dih hnu in motorcycle he ka kalpi. Kan kalpi lio ah motorcycle cung in a zuang i a zaam beh. Kan dawi nain kan tlai kho ti lo. Anih hi motorcycle fir hmang a si. Nan sang ah nan hmuh a si cun rak tlai cio uh,” tiah a chim.

May be an image of one or more people

Nizaan 2021 March 6 zaan hnu zong ahkhan Hakha khuapi chung Pyidawthar sang ah mifir pakhat Mizopa an tlaih cang tiah kan theih. Source: The Hakha Post

Leave a Reply