Myanmar ralkaap nih nawlngeihnak an lak hnuah, zeitindah kan kalning a si lai timi biaruahnak (meeting) cu an ngei cuahmah cang i February 9 zongah meeting an ngei ṭhna. Cu meeting an ngeihnak ah ralbawi Min Aung Hlaing nih, “Cozah rianṭuantu pawl hna cu Politik (Politics) ah an i tel lai lo,”tiah chimhnak a ngeih.

Ralbawi Min Aung Hlaing nih a chimmi cu,“Cozah rianṭuan hna cu Politik (Politics) ah telh ding an si lo. Rampi i pekmi hlaw a la ko mi nih ram dohkalh kho loh. Democracy uknak ram hna kan zoh ahcun, Cozah rianṭuanmi hna Politik (Politics) ah a va peih ve mi an um lo.

“Kan duhmi Party hna cu thimnak ah zalong tein vote peek khawh an si, a thingmi a si fawn. Asinain, Cozah rianṭuan lioah Politics ah i tel ding hrimhrim a si lo. Cucaah Cozah rianṭuantu pawl nuar dingin (a forhmi hna)a phunphun a forhtu hna mi zei paoh kan hlathlai lai i hremnak kan pek hna lai,”tiah ralbawi Min Aung Hlaing nih a chim.

Mipi pawl nih Cozah rianṭuantu pawl CDM a tuahmi pawl tangka le ei in ding an harsat a si ahcun, bawm dingin phu zong an dirh cang i cunglei i hrocernak cu zei ah rel lo dingin an forh chih ve. Cozah rianṭuantu hna le Company ngan hna i rianṭuantu pawl nih rianṭuan duh loin ralkaap uknak duhlonak an langhter timi hmuar a ngei khun tiah ruah a si. Chirhchan: Eleven Media, Tatmadaw The Truth News, Vapualauaw

____
Copyright © Chin World News Evening