56

Milung A Fahter Tuk Caah Trump Cu Pathian Nih Thutnak A Chuh Tthan

World News

Fawi tein Pathian nih mi a cawisaan lo bantukin fawi tein mi a thla hna lo. Aruang um zungzaal. Trump cu Pathian nih a cawisaan caah kum 2016 lio ah teinak a peek ii, US president dirhmun tiang a phaak ter, tiah ka zumh. Asinain Trump cu US tuanbia ah zawnruahnak dawtnak le zaangfahnak a ngei lo bikmi US president ai chuah diam ai. Cucu kumli chung a rianttuannak a lungput le a kalpimi policy ah fian tein a lang.

US Election 2020: How and why Donald Trump vs Joe Biden affects the world |  Explained News,The Indian Express

A hmur-ka in cun Khrihfa ti cu a chim ve ko nain: a tuahserhnak a lungput le a kalpimi policy zoh tikah Khrihfa sinak nunzia (Christian value) he a ralkah tukin a nungmi asi, an ti ca-ah amah party asimi Republican lei tampi nih an kaltaak, hnu an chit ii, Joe Biden an vote nak asi. Atu cu Pathian nih US president ca-ah midang a thim cang. January 20th in Joe Biden cu 46th US president tthutdan ah a tthu cang lai.

Vawlei siangpahrang tthawngtthawng hna le ram hruaitu tthawngtthawng hna: an tthutden vialte khi, Pathian kut ah a ummi asi. Pathian nih a hlenh chommi hna lawngte an si. A duhmi poah kha, a tthut ter hna ii, a duhmi poah kha a tthumh ko hna. Pathian nih Donald Trump cu kum 2016 ah US president tthudan a pek. Asinain 2020 ah a chuh tthan. Pathian nih a thlaak cangmi hna cu: minung nih cawisaan khawh asi ti lo bantukin Pathian nih a cawisaan cangmi hna cu, minung nih thlaak khawh asi ti lo. Credit: Salai Van D Ceu

Relchih: A tu lio boruak hi tih a nung, a karh ngaingai. Second wave a ra tluahmah cang. Vaccines cu an hmuh te tik zongah mipi sin ah chikhat lo ah a sii hi an chuahpi colh lai ti chim khawh a si lo. Mah caah cun zeitin dah kan sikhawh tawk in kan i zohkhenh lai? Kan chim bon peng kha chim a hau ko.

1. Hand sanitizer hi a tha nain, a tambik voi 3 pehtlai ten na hman hnu ahcun, Na kut i tawl cang. Kuttawl hi a herh taktak mi a si. Infections preventions caah cun kut tawl (sapiat le tii) hi number 1 bak a si. 2. Hmaihuh fel tein kan i hup peng lai. Kan mah innkhat a um timi he kan um ahcun. 3. Mibuu tamnak cu hrial khawh ah a tha. A ruang? A zaw tiah ai thei lem lomi zong kha a rak zaw kho an si. Mah tik ah i chawnh khawh a fawi ngai.

4. Covid testing hi a free nak tampi a um ko caah hin nan mah le nan umnak state cio health department le county offices sin ah hal khawh peng an si. Na ruhkhua a fah deuh, na lu hna a fah, na thaw chuah hna ai relrem pah lo ahcun i test hi a poi mi a si lo. I ralrin a si, a tha ko. Kan mah riantuanmi le bang cu a tuhi zarhkhat voihnih an kan test. Tuan ten hmuh khawh ahcun a tha mi a si ko. Zawt paoh i I test ti loin mu. Nan pum umtuning cu nan I theih cio ngai ko lai.

5. Stress (lungretheih) tamtuk ahhin cun kan pum riantuan ning a fum deuh caah hin, thil pakhat an stress ter tuk mi kha cu hrial chung ko. De-stress yourself. Na lung an nuamh ter tu thil pakhat khat tuah chung ko.

6. Rawl kan ei mi hi kan pum caah a tha mi vitamins a ummi ei kan i zuam lai. Kan pum a thawn ter deuh mi hna cu vitamins C, D, le zinc an si. Vitamins levels zong hi a tamtuk ahcun a tha lo mi a si ve caah hin kan doctors te kan chimh hna ahcun a tha. Kan doctors pa hi vitamins a uar ngaingai mi a um. A Mah nih a kan ti peng mi cu over the counters i vitamins pawl khi cu a chung taktak i vitamins content khi a ummi a tlawm tuk caah hin “pure vitamin c/ ascorbic acid” timi kha a phut in ti ka pheo piak hna i ka pek hna a ti. A Mah nih a kan chimhmi si caah kan chimh chin hna.

7. A zaw liomi Mah tein inn ah a ummi kan si ahcun rawl ei kaa a thaw lo. Zeihmanh a thawt nam teh khawh a si lo. Mah caah cun kan ei duh lo zongah ei kan i zuam lai. Thazaang zong a der caah hin huam zong huam lo zong ah it peng loin cawlcangh kan i zuam lai. Ti tam piin kan ding lai.

8. Kan thaw chuah a har deuh: nan hmur, nan kutke, tibantuk hna a dum mi color a si ahcun kan pum chung oxygen a tlawn ngai tinak a si. I piah colh ding 9. Thermometer (taksat le sat lo tahnak), pulse oximeter (kan thintur le kan oxygen a tah tu), blood pressure cuff (thi Kai le thi tum tahnak) ti bantuk hi inn ahcun ngeih khawh cio ah a tha. Amazon ah a man din tete an si. Note: keicu nurse ka si. Doctor ka si lo caah hin minung tampi nih messenger ah advice nan ka hal mi kan let kho hna lo. Kai uah bia si lo. I chuah sual a fawi tawn caah hin kan leh hna lo nak a si. Kai lawm. Credit: Katie Van Zi

Leave a Reply