Mi Vialte Coronavirus Kong I Buai Lio Ah Police Pakhat Cu Thiltthalo Tuah Ding In Soilem A Si

Uncategorized

Kawlram hi cu kan poi tawn ko. Vawlei mipi vialte kan hnu December thla ah China in ai thokmi pulrai zawtnak coronavirus kong ah buai lio ah thiltthalo tuah ding in an rak i soilem ve hoi. Rakhine State Mrauk-U Township ah kan hnu April 26 ah khan police minung pakhat cu tthiltthalo tuah ding in soilem a si. Hi bantuk in thiltthalo tuahding ah a soilemtu hi Arakan Army (AA) hriamtlaiphu an si tiah Myanmar state media nih an thanh.

Policeman abducted in Mrauk-U | Mizzima Myanmar News and Insight

Mizzima thawngzamh nih an thanhning in Rakhine State Mrauk-U Township ah a ummi police pakhat cu a hawile he bazar ah an kal. Cu bazar in a lawi pah lampi ah Arakan Army (AA) minung pariat nih an zuanhnawh. Cu ah cun hi bantuk in an rak soilem hi a si tiah police battalion Commander in Chief of Defene Service office nih an chim tiah an tlangzarh.

Hi bantuk in police bazar in a lawipah ah a rak namtu Arakan Army (AA) ralhraang (terrorists) hi minung pariat an si. An dihlak in mi sawsawh bantuk in thilthuam an i hruk. Thingtan le naamte he an zuanhnawh hnu ah thiltthalo tuah ding in an soilem hi a si tiah an chim. A sinain hi kong he pehtlai in zei bantuk thiltthalo dah tuah ding in an soilem timi zeihmanh an langhter chih loh. Cun Arakan Army (AA) lei zong nih hi kong ah an chimmi zei hmanh theihmi a um fawn rih lo. Ref: Mzz

Leave a Reply