Mi Tlaihmi Kongah Hakha CDM Hruaitu Sin Nawlnak

Chin News

Hi bia ka chim tikah ramchung um theng ttung lo le mah nih zeihmanh tuahmi um loin na duh paoh in na aukhuang nan ka ti khawh men, nan ka ti zongah ti mawh lo a si ve ko. Sinain hi kong hi ttha tein kan ruah ahcun hmailei kanmah lamphittu le ral bantuk an si kho. Cucaah atu bantukin ka siaherh ngai ruangah ka vun chimnak si. Ka palh ahcun ka ngaithiam hram u! Nan cawlcanghnak cungah upat/hmaizahnak kan in pek hna.

May be an image of one or more people and people standing

A cunglei kong he pehtlaiin tutan ah Hakha CDM hruaitu lutlai sinah nawl kan duhmi hna cu, “CDM a tuahmi hruaitu hna le tualchung reporter pawl konglam ralkap sinah thawng a thanh lengmang tiin nan tlaihmi hna hi a phung men in ralrin nan pek hna hi mah hnu cun nan thlah colh” lengmang hna.

Kha bantuk a phung men ralrin pek in nan thlah tthan lengmang hna tikah annih ca ahcun zaangdernak si loin thazaang tthawnnak tu ah an hman khawh lawng si loin a hlan an ttuanminak tam deuh le tthawng deuh zong in rian an ttuan khawh. Cu lawng si loin ratthatnak tiang zongin an hman khawh. A ruang cu, Hi hnu an ka tlaih tthan zong asi hmanh ah a hlan an ka chimhhrinnak pin in zeihmanh an tuah lem lai lo timi ruahnak ngei in an raltu a ttha chinchin kho imi a si.

Cucaah nawl kan duhmi hna cu,”Ralkap lei ttangin CDM tuahnak ah hruaitu le thawnglatu cawlcanghnak konglam vialte cunglei bawi sin thawng a thanh timi nan tlaih hna ahcun thlah colh loin a tlawmbik nikhat/hnih tel hreng hna uhlaw mah hnu cun anmah ca zongah lungfimnak an hman lawng si loin tampi khua an ruat ve hrim lai. Cun, nan tlaihmi man le sullam zong a ngei deuh lai.

A cunglei ka langhter cang bantuk in atu nan tlaihmi hna kha sml pakhat hlanah nan thlah tthanmi nih nan tlaih man sullam a ngaih lo pinah hmailei anmah caah tthawnnak hman in mipi nan caah ral an si chin kho mi a si. Cucaah hi hnu cun nan tlaih hna ahcun a tlawmbik, nikhat/hnih cu kan hrenpiak in a herhning in tlawrel le hmailei an lungfiannak dingah kan tuahpiak kho hna ulaw a tthatuk hnga? Nihin nan tlaihmi zong nan thlahtthan. Cu nih cun zeihmanh a chuahpi kho taktak lai lo. Palhnak um cun ngaihthiamnak he. Credit: FLC

Relchih: Hakha ah Ralkap Thawngpetu Pa an Tlaih! Hakha khua i CDM a tuahmi hruaitu hna le tualchung reporter pawl an cawlcanghnak pawl hman a thlak hna i cunglei ralbawi pawl sin ah thawngpang a petu pa (ဒလံ) mino nih an tlaih i, ralrinnak an pek hnu ah an thlah tthan.

Hi pa hi February 11 lio i Chin ramkulh cozah zung hmaika ah palik nih mino pawl duhlo langhternak tuah lo ding in an rak thloh hna lio ah mino hruaitu pawl hman a thla lentu kha a si.

Leave a Reply