Melbourne Um Chinmi Minung (2) Cu Covic=19 Zawtnak In An Dam Ṭhan Cang

Chin News

Thawngpang ṭha von theih hi cu lungthin a nuam hringhran ko. Australia ah Covid-19 zawtnak in a zawmi Chinmi minung pahnih damnak an hmu ṭhan ti thawng kan theih i lawmh a um tuk hringhran. Cu kong he pehtlai in CBN nih hitihin a langhter. “A liam cia March thla ah Cedar sathahnak Company i rian a tuan mi chung in Covic19 zawtnak a ngei mi minung 45 an rak hmuh hna caah an riantuannak zong rak khar piak a si.

Cu chung ah kan mah Chin mi Minung 7 zawng zawtnak tlangrai nih a rak tlunh hna i ni 14 chung quaratine ah an chiah hna. Kan mah Chin mi 7 chung in minung 2 cu tuzing nan dam cang tiah an ti hna i inn ah an tin cang lai. Kan pahnih in kan zawtnak a thiang cang e tiah minung pakhat nih CBN sin ah a chim,”. Credit: Chin Broadcasting Network

Thawngpang dang rak rel chih: Democrats Nih House Ah Chuahpi An Timhmi Bill. US house ah Speaker Nancy Pelosi hruaimi, Democrats party nih coronavirus bawmhnak caah 3 trillion dih dingin bill thar chuahpi an timh. Mah chung ah 1 trillion cu State, city le local government, essential worker le stimulus check caah hman a si lai an ti.

Nupi/va ngei lomi minung pakhat ah $1200 a si rih lai. Inchungkhar khuasa mi caah $6000 pek a si lai. In ngeimi mortgages le Inn hlangmi inn man caah $ 175 billion hman a si lai. US$ 75 billion cu virus testing tuahnak caah hman a si lai.

Democrats pawl nih chuahpi an timhmi bill cu a ra laimi Friday ah House ah an chuahpi lai. House ah hin an pass khawh men. House nih an pass hnu ah Senate ah chuahpi than a si lai. Asinain an pass lai zumh a um lo. US nih leiba a ngeimi a tam tuk cang caah Republican senator hna nih an pass lai zumh a um lo. Asinain house he compromise tuah in zeimawzet bawmhnak cu an ruah lai ka zumh. Credit: Salai Lairamthang

Note: Hmanthlak hi google ta kan lakchinmi a si.

Leave a Reply