Melania Trump Nih Mipi Theih In A Pasal Donald Trump Kong A Chim Cang

World News

Donald Trump anupi Melania Trump nih fiang taktak in a vun tthuat ve ko cang. Nai hrawnghrang thawngpang alengmi ah Donald Trump cu tutan thimnak ah adirhmun athat lo caah an nupi he an karlak zong attha tilo i, Donald Trump le a nupi cu an i tthen lai, an karlak ah rem lonak a um cang tiah vawlei cung thawngzamhnak kip nih an langhter.

Melania Trump 'counting down minutes until divorce' after 15-year 'transactional marriage' - Daily Record

Donald Trump asungh hnu ahcun a nupi Melania zong nih tthennak atuah lai ti asi. Cun Donald Trump nih White House a chuahtak lai caan hi a nupi nih cun a minute bak in a rel tiah a timi zong an um. Donald Trump le a nupi karlak kongah an chim caih bik mi cu Former Trump Aide hna nih a chiatnak lawngte in an chim ti asi.

Cun an ti tthan rihmi cu Donald Trump le a nupi Melania Trump hna cu White House zongah innkhan pakhat hmanh ah an um tti lo titiangin an langhter. Donald Trump le a nupi Melania zong nih an pahnih karlak kongah buainak zeihmanh aum lo timi siseh an buainak kong pakhat hmanh an chimmi a um ve lo. Asinain tutan ah Melania Trump biachim in theih khawh asi.

Melania nih a vapa Donald Trump a dirkamh timi hi hmuh khawh asi. Then colh lawng aduh tiah social media kip nih an langhter cuahmah lio ah Melania nih cun Donald Trump avun dirpi cang. Hi thil nih hin an karlak ah buainak zeihmanh aum lo timi a fiang ngaingai. Donald Trump nupi US First Lady Melania Trump nih vote relning kongah a chim ve.

Melania Trump nih atimi cu America mipi hna nih hin a dik hmanmi thimnak Zeipaoh phungning tein in le thleidennak ngei loin vote hi rel ding. Democracy kan humh him lai i, thil cu a sining bantukin alang dingmi asi tiah a chim. Theihcio bangin US President cu tutiang fiangin theih asi rih lo. Media kip nih cun Joe Biden nih teinak ahmuh tiah an langhter.

Nain Trump tunih cun a cohlang kho rih lo. Tutan thimnak konghe pehtlaiin nizan ah Donald Trump nih atimi cu teinak kan hmuh lai tiah a chim. Minung tampi nih an ruahmi cu Donald Trump nih hin Joe Biden hi fawite cun thutnak akian lai lo ti asi. Atuhi Trump lei hna nih biadik taktak an kawl cuahmah lio asi i, Mike Pompeo zong nih Trump hi teitu asi hrimhrim lai tiah raltha ngai in a chim ve.

Leave a Reply