Cancer in a zawmi Myanmar awṭha minthang Mee Mee Khel cu Ocotober 16 zaan sml 9:31pm ah a umnak Australia ah mual a kan liam taak. Awṭha Mee Mee Khel hi hlasakthiam awṭha lawng hmanh si loin, Khrihfa zumtu ṭha taktak a si.

Hlasakthiam Mee Mee Khel cu a hlan ah ah Myanmar hlasakthiam awṭha minthang taktak a rak simi Htoo El Lynn he an rak i um i fanu pakhat a min Phyu Phyu Sin Sin Lynn an rak ngeih. An fanu cu hringtu a pa Htoo El Lynn sinah a um. Aw ṭha Htoo El Lynn he an i ṭhen hnuah, Pasal dang a ngei ṭhan.

Hlasakthiam Mee Mee Khel athihnak kong he pehtlai in a vaṭhing Htoo El Lynn nih a ngaihchiatnak kong le an fanu kong a chim.

Htoo El Lynn-“Ka fanu te sin in thawngpang ka don. Papa, kanu (Mee Mee) a thi cang ee tiah a ka chimh. Ka lungfah cemmi le ka ngaihchiatnak mi cu ka fanu te caah hin a si. Kannih cu a dih cang. Amah zong chungkhar thar a dirh ve cang ko i, kei zong chungkhar thar he khuasami ka si ve cang.

“Khua tampi ka ruah hnu ah, a nuamhnak hmun ah va phan ko law, dai tein i din cang ko law tiin mawṭaw ka mawngh pah in ka ṭial. Nain, khua ka ruah ṭhan tikah hi ka ṭialmi hi an duh lai lo, a nih zong chungkhar he a um cang i, kei zong chungkhar he ka um ve cang a chungkhar hna nih phundang ah an ruah sual lai tiah ka ca tar mi cu ka hnawh ṭhannak a si.

“Mee Mee Khel a thih hi ka lung ṭha hrim lo. A hleiin ka fanute caah ka lung a ṭha lo. Ka fanu a nu a um ti lo. Nain, na pa zong na nu a si ko, na nu zong na pa a si ko. Cucaah ka fanu te caah timhtuahnak ka ngeih a herh” tiah a chim.

“Mi zeipoh hi a thi ding lawng te kan si ko hna. Kei zong nikhat khat cu ka thi ve te lai i, nang zong nikhat khat cu na thi ve te lai. Nain, ka fanu te caah ka lung a ṭha hrim lo. Ka fanu hi keimah sinah ummi a si. Ka fanu caah ka si khawh tawk in ka zuam lai. A duh herhmi ka tuah piak lai. Ka fanu hmailei caah zeidah ka tuah piak lai ti lawng ka ruat” tiah a chim chap. Chirhchan: Duwun News