Medical Mask Kongah China Cozah An Lung Rethei Cang

World News

Medical Mask Kongah China Cozah An Lung Rethei Cang: China ramchung Novel Coronavirus zawtnak ruangah China cozah nih venhimnak thil le sii ai lei duty tawn mi hna ca hmai khuhnak (surgical face mask) an tlacham nak kong cu China nih thanhnak an tuah. AFP News nih hri lennak hmun i medical worker hna nih “single surgical mask” an hman tawn mi cu an tlacham lio asi,”tiah a langhter.

Image may contain: one or more people

Atu dirhmun ah China ram Coronavirus zawtnak ruangin a thimi minung 426 an phan cang i, zawtnak a tuar mi 20,471+3235 an si i, lunghrinh mi 23241 an si. Cun, Coronavirus zawtnak tuar in a zualhma mi minung 2788an si i, dam lei a panh mi hi minung 657+182 an si.

Image may contain: one or more people and people sitting

Ms Chua Chunying, Chinese Foreign Ministry biachimtu nih a chim mi cu, minung 1.4 billion hna venhimnak ding hmai khuhnak le surgical medical mask cu atu hi an herh taktak lio asi. Mah hi an thlachamnak a ruang cu Jan 25 in Chinese Lunar New Year dinh caan hman in Factory workers tampi an khar ruang le zawtnak hri a len ruangah dinh caan hi sauh a si. Mah ruangah nikhat ah medical mask bantuk hi 20 million lawng an siam khawh.

China niih Surgical mask hi an thlacham tikah South Korea, Japan, Hungary le Kazakhstan hna nih medical supplies hi an rak kuat colh hna. Cu pin ah Surgical mask hi EU, US le Japan ramah lak an timh lio a si. Atu dirhmun ahcun medical workers hna nih 60-70% lawng an i deih cang.

Wuhan khuapi minung 11 million umnak hi Hubei province asi i, Hubei province ah minung 50 million an um. Cu pin ah a pawngkam provinces le khuapi minung hna nih “face mask” hman an herh taktak lio asi. Guangdong Si nih cun Jiangxi, Liaosing le Nanjing khua lawng ah minung 300 million an tling. China cozah nih hri leng tuartu umnak le ihkhun 1000 tlawmnak siizung cu 10 chungin an sak i, Hubei province i hri leng doh dingin Medical Team 68, minung 8,300 a kuat hna tiin Xinhua News nih cun a langhter. Cacawn nikhatni ah khan Wuhan khuapi ah minung 57 an thi.

Coronavirus zawtnak hi ramdang 26-ah a phak tikah G7 ram simi Canada, US, Italy, Germany, Britain, Japan le France ram hna nih cun hmunkhat ah Coronavirus zawtnak kong hi ruah ttinak an ngei hna lai. US, Australia, New Zealand, Israel nih cun ramdang minung atu lio China ram tlawn in, China ram in an ram a lut ding mi hna cu luh khawh lo dingin an khap cang. Cu pin ah Mongolia, Russia le Nepal hna zong nih an ramchung khual tlawn an khar chung rih.

Leave a Reply