President Donald Trump hi a rak mawh ve hrim lo hme hi. Minung zeitluk in tthatnak tuah ko bu zongah le thilttha ttuan chuah len ko bu zongah tawng ta doh rumro i doh le a a tthatnak hmuhpiak i timh loin chiatnak lawngte an kawl peng mi cu a rak mawh bak ve lo.

Zeiruangah dah Media nih Biden an dirkamh timi a vun fiang ngaingai. Media nih hi tluk in Biden an an ttanh in an dirkamh ti ahcun an agenda tampi a khah ruangah a si. Cu pin ah America Journalist hi 7% lawng Republican an ti i, 47% nih Democrat an si an ti ve. A dang cu Independent ah an si. Media Company ngan ngeitu pawl hi Global agenda ngaihmi an si deuh.

Hi kongah Jim Jordan nih cun kum 4 chung din loin Russia Collusion tiin lih phawngpang lawngte phuangtu media-pawl thawngthannak hi zeitindah kan zumh khawh lai? tiah a chim ve. Hi an thawngthanhnak zongah Evidence pakhat hmanh a um lomi zongah a dik ngai bantukin thawng an thanh khawh,”tiah a chim rih.

Cu lawng si loin Facebook, Google le Twitter pawng zong hi Democratic State- Sillycon Valley, Carlifornia i hrambunh an si i, Facebook rianttuantu 93% le Twitter rianttuantu 98% cu Democrats an si. Naite i Senate hearing an ngeih lio ah an chim mi si i, Fact-check an tuah mi tampi hi an tisual nak cu an pawm.

Platform bantukin ruah an si ruangah Section 230 bakin venhim an si caah taza cuai khawh an si lo. Asinan hi bantukin an tuah peng ahcun Section 230 hi hrawh a si cang lai tiin Senate Judiciary Committee Chairman Lindsey Graham(R) nih cun a chim. Facebook nih voter fraud a um bal lo a tiin a chim nain nizan ah khan California ah mi pahnih cu dan loin vote 8000 register an timh ruangah Voter Fraud case he tlaih an si.