Nizan August 15, 2019 suimilam 12;45pm hrawngah khan Chin ram, Kalay-Tedim karlak mawttaw lam ah mawttaw a Accident i Chinmi pakhat a nunnak a liam tiah theih asi. Hi kong petlaih in an langhterning ah cun ” Tedim peng Mualbem khua mi Ding Suan Zam kum 23 cu amah mawnghmi mawttaw ah midang he kalay ah i bazaar ding an kal hna.

Hi Haimual mawttaw chungah a ummi, aa cit mi hna cu Ding Suan Zam mawttaw mawngtu,Do Zam Kim, Ngun Khan Vum, Zam Sian Khaing, Nan Dik Kham le Nu Hau Khan Man an si hna. Kalay Bazaar ah thil herh cawk dingin an kal hna ti asi i, vanchait ah Theizaang Coffee hmun pawngah mengtung 24/25 karlak horchia chungah mawttaw a tlak ruangah atu bantuk vanchaitnak an ton hi asi.

Mawttaw accident hmun ah nu Hau Khan Man cu a nunnak a liam i, mawttaw mawngtu telh in midang vialte zong hliamhma fak ngai an tuar ko nain ttihphan awk ngaingai le zualhma ngaingai mi an um lo tiah theih asi. Motor mawngtu Ding Suan Zum cu Khaikam palik zung nih (ပ) 9/2019 yazatetgyi popmah 304(a) in case tuah piak a si cang tiah an chim. Ref: Iprd Tedim/Chinfure