Pre. Trump Ruangah Pastor Pa Thihpheihnak A Tong Laimi Biaphuan Hmang Pawl Ralrin Hau Ve Cang. Trump kum 2020 US president thimnak kong he pehtlai in US pastor Jeremiah Johnson cu a nunnak tiangin Thihpheihnak a tong tiah Christians news, thawngzamhnak nih a langhter. Laimi phun chungin prophet-biaphuan hmang kan tamtukmi zong hi i ruah ngai hau.

Kan hnu zahnak tlang Thantlang khuasa pa a tlau lio zongah hakha ummi nu nih pathian nih aa ka chimh a thi hrim, khuachia nih thah dingin an hruai tiva ah an pei va kawl u law nan hmuh lai tiah biaphuan i Lih si tiah ka chim caah Pathian ralchanhmi ah an rak ka ruah. Ka timi hna cu Pathian chimhmi tak si cun a Thihnak hmun le hma fiang tein a chim lai, zawndamh in pathian nih rian tuanlo, cun biaphuan hi tuchan kan caan caah silo, biaphuan cu Bible hi si cang ka ti hna. A donghnak ahcun ka chimmi a theimi nih a thihlo lahva lamah pheikalh tunhmi nih an hmuh i an tlunpi cun lih biaphuan pei si tak ko hi an ka ti.

Tutan trump kongah johnson us pastor zong a nunnak tiang thinphangin voi thong an Thihpheihnak hi Trump nih teinak a hmuh lai tiah a ti caah si. Trump a sungh tikah khrihfa mi lila sin in voithongin an chungkhar nunnak tiangin thihpheih a tonnak si.” [ No prophecies-biaphuan cu zumti hlah, zawndamh biaphuan cu Pathian ralchanh si ti thei u sih, Bible lawnglawng hi Zumtu kan caah biaphuan dik tak le zumh tlak si, cucu Pathian nih a minung hna hmangin aa kan theihtermi si. Bible cu chap hleh zuk hlah, biaphuan na zumh cun bible na chap tinak si lai caah i ralring hna usih, Pathian biaphuan kan duh cun pek kan si cangmi Bible i tlaih in phuang hna u sih ti kan sawm hna cucu biatak si.” ]Stonny pehmi si.

Pastor Johnson cu nih a chimmi cu hi bia ka phuan ruangah nun thihpheih ka tong hi bantuk tihnung bia hi ka chuahka in ka thri ballo tiah a chim. Sinsin ka palh tiah ka nawl hna, cun Pathian biachim cu ka ngol hlei lailo, Khrih le a vailam kong cu ka nun chung ka chim thiam ko lai, Pathian bia lawng zungzaal a hmun, minung ruahnak le zumh ning sawh cu a dikmi a rak um thlulo tiah a peh.