UK MP Baroness Cox nih Dr Sasa nih Chin State cu Mautam mangṭam in harnak an ton lioah UK Hluttaw ah bawmhnak a haltu hi Dr. Sasa a si tiin cathanh a chuahmi hmuh khawh asi. Cathanh a chuahmi cu a tawi tein, kan rak taar.

UK MP Baroness Cox,“Dr. Sasa he kum 2003 ah kan rak i thei. 2007 Chin state a miphun hna mautam mangṭam harnak an ton lioah a va kir hnawh hna i Chin miphun caah Dr. Sasa nih UK Hluttaw ah bawmhnak a kan hal,” tiah cathanh a chuah.

“Chin State mautam mangṭam kong report cu Dr. Sasa nih UK Hluttaw ahhin a rak kan pek. UK/British cozah nih Yangon um British Tanzung sin in Chin state mautam mangṭam hartong hna caah tiin bawmhnak tangka £1.5 million a pek.

“Kum 13 chung, Dr. Sasa nih a miphun caah sii le ngandamnak tinṭan, fimthiamnak le adangdang cawnpiaknak in a nunnak a pek,” tiah Uk MP Pi Cox nih cun a ṭial. Hi kong he pehtlai in, Miphun le ram caah biatak tein rian a ṭuanmi Henry nih fianternak a rak tuah ve ṭhan.

2007-08 mauṭam kong he pehtlai in DATA vialte a tlai tu ka si i Dr.SaSa nak in CNF, CNLD, MPP le ZNC fonh mi CNC nih an thawk i vawlei pi theih in CNC nih rian a ṭuan hnu ah CHRO nih Fundraising a tuah i bomhnak pek a rak si. PAC, CHRC, le WLC cun Pu Vapual Thawng te dirh mi group pa 4 nih rak tuah a si. Mah ahcun Dr. Sa Sa aa tel rih lo.

Cu caah zei thei tak tak lo in a bultan nan theih mi nih kan miphun nan buai ter tuk. Dr. Sa Sa cu kan miphun caah a ṭuan bak. A mah he zong 2010 lio ah kan i chawn bal. A pu hi Unity a si i CNA rian ṭuan bal mi a si.

MPP hi mauṭam kong he pehtlai in DATA an rak ap hmasa tu a si. Cu hlan ah CNF nih DATA cu an rak lak ve cang. 2007 September Thailand in ka tlun hnu ah a herh mi form ka tuah hnu in Ralkap camp le Mauṭam area map ka tuah dih hnu in vawleipi kil deng theih ah kan tuah. Cu hnu cun bia tak tein kan ram si ning an theih i bomhnak kan hmuh mi si.

Mah rian he pehtlai in CHRO lei nih ṭuanvo an pek i rian a ṭuan mi kan nau pa John Tui Hing ( Pu Terah i nau) ti ah a rak paam. Cu caah thil sining theih fiang tak tak hnu lawng ah ca kan ṭial ah hin kan miphun a him lai.

Note: Hi Caṭial tu hi Henry asi. A mah hi ram caah biatak tein a rak cawlcang mi, Laitlang Mautam lio ah biatak tein a rak cawlcang mi, Data vialte a tlai tu zong a si.

Admin hmurka: Chinworldnewsvening nih thawngpang kan ṭialmi hi kanmah nih kan  phuah cawpmi kanṭialmi a si lo. Mipi sinah adikmi thawngpang zamh hi kan i  hmuitinhmi a si. Cun, thawngpang kan ṭialmi hi areltu mipi caah thathnem santlaih, theihtlei ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um 
cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he-Admin