Matupi nih Pu Ngun San Aung Duhlonak Cathanh an Chuah! Pu Ngun San Aung nih ralkap cozah pekmi rian a cohlanmi cung ah Matupi zatlang bu pawl nih duhlonak fak ngaiin an langhter. “Kan ram nih hi tluk in har a ton lio caan ah mipi zawnruahnak ngei loin le mah pumpak hlawknak lawng cuan in Chin ramkulh Administrative Council rian a cohlangtu Pu Ngun San Aung cu Chin mipi nih kan thimmi a si lo caah Matupi zatlang bu hna nih duhlonak fak piin kan langhter” tiah an ttial. Ralkap nih Pu Go Suan Khai (Tedim) zong rian an pek ve nain “Ka cohlang kho lo” tiah Hakha Rungtlang ralbawi sin ah ca a ttial. Ref: The Chin Journal

Relchih: Both Chin and English below: Laica le MIrang ca in a tang ah ka ttial. The Chin National Front condemned the military coup on February 2. Now is the time for all Nationalities Armed Organization to give protection to the people. It is time for the international community to invoke humanitarian intervention. HUMANITARIAN INTERVENTION IS URGENTLY NEEDED!

CNF nih Febraury 2 ah thanh ca achuah i Ralkap nih hramhram in uknak a lak mi kan duh lo. Mipi he kan dir tti lai tiah an ti. Atu lio can hi mipi an him tilo caah Tlangcung miphun hriamtlai phu vialte nih mipi humhimnak an pek can a cu cang. UN le international community nih humanitarian intervention timi cozah nih a ram mipi ningcang lo in a tleihhrem tik hna ah runven nak a pek tawn mi kha a tuah can a cu cang.

Ramchung ummi embassy pawl hmai i nan kal tik ah humanitarian intervention kan herh cang tiah rak chim chih te u law. A hmun ah ralttha te in a cawl mi vialte upat nak pek bu in. Kan tei hrimhrim lai. Cattialtu: Salai Bawi Lian Mang