Matupi Khua Thaiboi Sakhan Kahdohnak Ah CDF Mindat In Ralkap Pakhat Nunnak A Liam.

Chin News

Matupi Khua Thaiboi Sakhan Kahdohnak Ah CDF Mindat In Ralkap Pakhat Nunnak A Liam. Matupi Thaiboi SAC ralkap sakhan kahdohnak ah CDF-Mindat in ralkap Peter Ling nih ram le miphun ca ah a nunnak a pek, tiah theih a si.

Thaiboi sakhan kahdohnak cu CDF Matupi nih an hruai hna i Vui Bawk Operation tiin min an pek. Cu kahdohnak ah cun CDF Matupi, CDF Mindat, CDF Lautu le CNDF hna i bawm in December 18 ah an rak kah. December 19 zing suimilam 9:00 ah sakhan an laak khawh i CDF Matupi thantar an thlai.

Thaiboi sakhan kahdohnak ah CDF Mindat in ralkap Peter Ling a nunnak a liam i CDF Mindat in ralkap pakhat hliamhma a pu. Sakhan in a zaammi SAC ralkap cheukhat zong an dawi hna i kaphnih in kahdohnak a chuah ṭhannak kong CDF Matupi nih an thanh. Ref: The Chin Post

Thawngdang: KNU Brigade 5 Hmunram Um SAC Ralkap Sakhan Pahnih KNLA Nih An Laak, SAC Ralkap 70 An Thi. KNU brigade 5 hmunram, Mulukyu le Sawhta sakhan kahdohnak ah SAC ralkap ruak 70 le hriamnam le zen-kuan kan char, tiah KNU Mutraw nih an langhter.

December 16 zan suimilam 12:30 hrawngah KNLA brigade 5 ralkap, KNPP le KNPLF hna i bawm in Khah Lah Yah 57 SAC ralkap pawl cu an kah hna. Cu kahdohnak ah cun SAC ralkap 70 ruak an char hna i hliamhma pumi tlawmte cu an zaam dih, tiah theih a si.

Cu sakhan kahdohnak ah cun KNLA le ṭangṭi phu nih meithal, kuan, hriamngan kahnak le a kuan, ke lamh bomb, pehtlaihnak seh le a dangdang ralhriam pawl zong an laak, tiah theih a si. Mulukyu le Sawhta SAC ralkap sakhan cu Karen-Karenni ramri Karen ramkulh chung ah a ummi a si i kum 30 a rauh hnu ah an laak khawh.

Sakhan um SAC ralkap nih khual a tlawng mi hna eidin tirawl zong an chuh tawn hna. SAC ralkap sakhan pahnih kahdohnak ah a luat i a zaam mi hna cu Than Lwin tiva kam he aa hlatnak ah a ummi Khah Mah Yah 440 umhmun an khuarnak sakhan ah an va i fonh, tiah theih a si.

Leave a Reply